O deputado popular pide ao alcalde nacionalista que non disfrace como “sectarismo” a súa incompetencia como rexedor municipal
Balseiro refresca a memoria de Suárez Barcía ao lembrarlle que só na pasada lexislatura a Xunta investiu máis de 27 millóns de euros en Ribadeo
Ribadeo, 17 de xaneiro de 2014.- O secretario do Parlamento de Galicia e deputado do Grupo Popular, José Manuel Balseiro quixo hoxe refrescar a memoria ao alcalde de Ribadeo, o nacionalista Fernando Suárez Barcia, ao lembrarlle que só na pasada lexislatura a Xunta, presidida por Alberto Núñez Feijóo, investiu máis de 27 millóns de euros nesta localidade.
O deputado popular rexeita as declaracións efectuadas polo alcalde respecto dunha “falsa marxinación de Ribadeo” por parte da administración autonómica sinalando que en tempos de crise e axustes orzamentarios foi este concello “un dos que maior investimento recibiu de toda A Mariña lucense, mostra do compromiso do Goberno galego”.
Balseiro reclamou ao alcalde nacionalista que “non disfrace como sectarismo o que non é máis que a súa propia incompetencia como rexedor municipal” e dixo que a perda da oportunidade de contar cun obradoiro de emprego en Ribadeo foi consecuencia de que o alcalde non presentou a documentación que se lle requiriu en tempo e forma, feito que poderemos comprobar cando teñan oportunidade de tratar no Parlamento unha pregunta que rexistrou sobre este particular.
Balseiro está convencido de que o radicalismo do que nos últimos tempos fai gala o alcalde non é comprendido pola veciñanza, “que observa con estupor a incapacidade de diálogo do seu primeiro edil”. Ao mesmo tempo o deputado popular lamentou a obsesión “case enfermiza” de Suárez Barcia por polemizar coa administración autonómica sinalando que este enfrontamento constante non fai ningún favor aos seus veciños.
O deputado popular dixo tamén que o “alto investimento” realizado pola Xunta baixo a responsabilidade de goberno do Partido Popular “non resiste comparación” co feito polo bipartito, “moito menor”, e só por poñer uns exemplos lembrou as obras de ampliación e mellora do porto de Mirasol (2,2M€), as de Porcillán (1,2M€) os investimentos no Casco Histórico (400.000€), na ampliación e melloras dos centros escolares (2,1M€), na inauguración da nova EDAR (18,5M€) no mantemento do CIM, en materia de vivenda ou no plan de cooperación que permitiu contratar a 80 persoas só ao longo da lexislatura que vén de rematar.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
