O VIAL COÑECIDO COMO CAMIÑO A ESTÁ CORTADO AO TRÁFICO PARA VEHÍCULOS DE MÁIS DE DEZ TONELADAS COMO CONSECUENCIA DOS DANOS CAUSADOS POLO TEMPORAL NA PONTE SOBRE O RÍO BATÁN. A ALCALDESA XESTIONA A REPARACIÓN DA ESTRADA AÍNDA QUE MANTÉN QUE DEBERÍA FACELO A DEPUTACIÓN PROVINCIAL.
Lourenzá, 22 de xaneiro de 2013. A estrada coñecida como Camiño A está cortada ao tráfico para vehículos de máis de 10 toneladas, porque resultou danada ao seu paso sobre o río Batán como consecuencia do temporal dos últimos días. Esta situación impide o paso por ese lugar do autobús dos transporte escolar e dos camións que transportan o leite, a madeira, os pensos e outros produtos, como explicou a alcaldesa, Emma Álvarez Chao, que está xestionando a reparación do vial co ente autonómico Augas de Galicia, aínda que mantén que debería facelo a Deputación Provincial por ser a propietaria da estrada.
Emma Álvarez explicou que “está cortado ao tráfico para vehículos de máis de 10 toneladas no coñecido como Camiño A debido a que as riadas da fin de semana causaron un dano importante precisamente no paso por enriba do río Batán, onde xa houbo un famoso badén durante anos e que foi reparado con medios do Concello a finais de setembro do ano pasado”.
A alcaldesa de Lourenzá lembrou que sobre esta estrada “hai dous acordos do pleno da Deputación de Lugo para facer unha permuta e ser eles os donos, polo que a día de hoxe sigo crendo que é a Deputación a que debería tomar cartas no asunto xa que con dous acordos plenarios, un do ano 2006 e outro do 2012, xa tiveron tempo suficiente para ter o convenio redactado para ser asinado”.
Sobre este asunto Álvarez Chao falou o pasado día 9 deste mes de xaneiro co deputado de Vías e Obras, Manuel Martínez, a quen preguntou por este convenio e a resposta foi que “aínda estaba sen redactar”, comentou hoxe a rexedora municipal, quen tamén explicou que “ao día seguinte mandeille unha carta poñéndome á súa disposición para firmar o convenio que xa existía e que el mesmo me facilitou no mes de setembro, cando tivemos unha reunión, simplemente adaptándoo ás datas actuais”.
Emma Álvarez aproveitou para agradecer o traballo realizado polos membros de Protección Civil que “durante toda a xornada do sábado estiveron ao pé do canón axudando nas labores de arranxo dos danos ocasionados polas inundacións debido as choivas”.
Para tratar de solucionar o problema que hai no Camiño A ao seu paso polo río Batán a alcaldesa púxose en contacto co ente autonómico Augas de Galicia, que “mañá, unha vez que estuden os danos de toda a comunidade, nos digan que posibilidades hai para que procedan ao arranxo ou si temos que facelo nós; en caso de que sexa así trataremos de que a Deputación de Lugo nos axude para facer estas obras”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
