A TIC difundirá en directo na súa web os campionatos de baristas de Foz que se celebrarán a vindeira semana
A Vicepresidenta Segunda da Deputación, Lara Méndez; o Alcalde focense, Javier Jorge Castiñeira; o xefe de estudos do IES de Foz, Rafael Borrás; e o coordinador dos certames, José Ríos, presentaron onte no IES de Foz o VI Campionato Internacional de Baristas de Escolas de Hostalería, e o I Campionato Internacional de Baristas Profesionais, que se celebrarán os vindeiros días 5 e 6 de febreiro, neste centro educativo.
A Fundación TIC, dependente da Deputación, difundirá por “streaming”, isto é, en tempo real, todo o que aconteza durante o desenvolvemento das probas, que será gravado polos alumnos de 2º curso do Ciclo Superior de Realización da Escola de Imaxe e Son (EIS). Coa axuda do profesorado da Escola, estes retransmitirán as diferentes probas a través da páxina web da Fundación TIC, www.fundaciontic.org, para que todos os interesados poidan ver en directo os campionatos dende calquera dispositivo móbil. Ademais, os que se acheguen ata o instituto focense a vindeira semana poderán seguir as probas e demostracións dos participantes sen perder detalle, grazas ás dúas pantallas de plasma dispostas nas instalacións. Coma noutras edicións, o material audiovisual que se obteña empregarase para a edición dun DVD, que se entregará posteriormente ó IES de Foz.
Lara Méndez felicitou ó instituto focense polo éxito desta iniciativa, que dende hai anos e durante uns días converte a Foz en capital nacional desta disciplina, “fomentando a formación e impulsando emprego no sector hostaleiro”, ó tempo que constitúe unha nova oportunidade de que os alumnos da EIS poidan facer prácticas reais como complemento á súa formación teórica. O coordinador do evento, José Ríos, destacou esta nova colaboración posto que “grazas á Fundación TIC é posible ver todos os detalles das probas e seguilas en directo desde calquera parte do mundo”, ademais de ser o único certame nacional que dispón deste despregue de medios, “isto non se consigue en ningún campionato; é moi raro que haxa máis dunha cámara, así que para nós é un orgullo contar cos alumnos da EIS”, subliñou Ríos.
Desenvolvemento do programa e novidades
Alumnos de ata 15 escolas de hostalería de Galicia, Asturias, Cantabria e Portugal tomarán parte no VI Campionato Internacional de Baristas, no que os participantes terán que amosar a súa profesionalidade e bo facer á hora de preparar un café. As demostracións arrincarán o martes, día 5, ás 9:00 horas e rematarán ás 15:00 horas coa entrega de trofeos e diplomas.
O mércores, día 6, desenvolverase o I Campionato Internacional de Baristas Profesionais, que reunirá a catorce talentos desta disciplina, entre os que estará presente o gañador dos Campionatos Galego e Nacional de Baristas, o chantandino Damián Seijas. Este profesional ofrecerá tamén unha demostración de latte art, o arte de preparar orixinais deseños na superficie do café, disciplina que Daniel domina á perfección. Ademais, os asistentes poderán gozar con degustacións de café ámbolos dous días do campionato.
Coma novidade, a programación ábrirase o día 4 co I Campionato Internacional de Cata de Escolas de Hostalería, que consistirá en catro probas: avaliación sensorial de sabores básicos; cata de café; proba de aromas e unha proba escrita sobre a historia do café e o seu cultivo. Haberá trofeos para o primeiro, segundo e terceiro posto.
Apoio ó sector hostaleiro da provincia
A colaboración entre a TIC e o instituto de Foz é froito dun convenio entre ambas entidades, que ten como finalidade promocionar no exterior as ensinanzas de hostalería que se imparten no IES mariñano, ó tempo que os estudantes do único centro da provincia que imparte ensinanzas superior da familia do audiovisual completan a súa formación. A gravación forma parte da programación de prácticas reais da Escola de Imaxe e Son de Lugo, para as que os alumnos dispoñen dos medios técnicos necesarios para desenvolver un traballo profesional que contribúa á súa inserción laboral.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
