O ALCALDE DE FOZ DESTACA A PARTICIPACIÓN E A MULTITUDINARIA PRESENCIA DE PÚBLICO NO DÍA GRANDE DO ANTROIDO, CELEBRADO O SÁBADO. OS ACTOS CONTINÚAN HOXE, MAÑÁ E REMATARÁN O VENRES COA QUEIMA.
Foz, 11 de febreiro de 2013. O alcalde de Foz, o popular Javier Jorge Castiñeira, destacou hoxe a elevada participación e a multitudinaria presenza de público no desfile de Antroido celebrado o pasado sábado, que foi o día grande destes festexos na vila focense. Os actos continuarán hoxe, luns; mañá, martes, e o venres, cando rematarán coa Queima do Antroido.
Javier Castiñeira fixo unha valoración do desfile do Antroido en Foz “moi positiva por parte do equipo de goberno” e felicitou “a todos aqueles que participaron neste desfile multitudinario, a todos aqueles que viñeron e desfrutaron tamén do propio desfile, pero por suposto a todos os que participaron na organización, moi particularmente a Susito Castiñeira, que foi un dos grandes colaboradores; tamén a Pili López, aos responsables de Xuventude e de Obras e moi particularmente tamén a Protección Civil de Foz e de Barreiros, que colaboraron de forma excepcional en organizar este marabilloso desfile.
O rexedor municipal destacou que “o resultado foi que houbo máis de mil participantes e un día espléndido, polo todos estamos moi contentos xa que foi un éxito en participación, en calidade e en imaxinación. Tamén houbo un baile espléndido, con moitísima xente e hai que dar os parabéns aos premiados e tamén a todos aqueles que participaron e non tiveron premio, porque o premio de verdade é desfilar diante de tanto público”.
Castiñeira deu as grazas “a todos aqueles que participaron, aos que estiveron en Foz e por suposto tamén aos patrocinadores deste grandísimo evento do Concello”.
Pero os actos do Antroido focense continúan. “Hoxe, luns, ás dez da noite haberá o baile do faroliño amenizado polo grupo Fénix e por un dj e para os rapaces mañá, martes, día 12, ás cinco da tarde terá lugar o baile organizado pola asociación de amas de casa e amenizado polo grupo Diamantes. E rematará, como todos os anos, o venres, día 15 de febreiro, ás dez da noite, coa saída da comitiva fúnebre dende o Campo da Cabana ata o peirao para a Queima do Antroido, que o ano pasado tamén estivo moi concorrida e alí esperemos que nos vexamos todos os carnavaleiros para despedir estes marabillosos carnavales do concello”.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
