De novo os últimos minutos do encontro volveron ser crueis para o Viveiro, que deixou escapar o que podería ser un triunfo ante un dos equipos punteiros da categoría, xa que a falla de dous minutos para o final do encontro gañaba 3-2.
O encontro comezou con un Viveiro dominador do balón e que combinaba con facilidade diante dun Quiroga que esperaba a contra e a penas inquedaba a meta defendida por Diandra. Nunha xogada ven levada Xiana adiantaba no marcador ao Viveiro que seguía levando o peso do partido ante as visitantes que a raíz do gol encaixada adiantaron un pouco mais a súas liñas e lograban empatar o partido mediada a primeira parte. O Viveiro tiña mais problemas para sacar o balón xogado, pero tampouco pasaba apuros en defensa, e de novo, Xiana aproveita unha contra para volta a adiantar as locais, que encaixaban o empate a douses nun erro defensivo case ao final da primeira parte.
A segunda parte comezou co a tónica da primeira, cun Viveiro presionando en toda a cancha e sen pasar excesivos apuros, o que propiciaba continuas ocasións sobre a meta visitante, que unhas veces os paos e outras as intervencións da porteira visitante, xunto ca falla de finalización das locais, facía que as táboas se seguiran mantendo no marcador, ata que Nerea marcou aproveitando un rexeite dentro da área.
Con 3-2 o Quiroga subiu liñas e o Viveiro non soubo aproveitar as súas ocasións a contra, e dúas perdas de balón nos últimos dous minutos, foron aproveitadas polas visitantes para levarse o partido.
En definitiva, bo partido o visto no Pavillón Antonio Tarrío por parte de dous equipos que quixeron dende o primeiro minuto xogar ao fútbol sala, e unha mágoa que se volvan a escapar uns puntos moi merecidos e traballados por parte das locais, as cales no deben caer na desesperación por que os resultados non acompañen o bo xogo despregado nos últimos encontros, e terán que seguir traballando para non perder esa liña de bo xogo e mellora que levan nesta tempada, na que ningún equipo demostrou ser superior a escuadra Viveirense.
Viveiro.: Diandra, Nerea, Xiana, Rocío e María Balsa. Tamén xogaron: Raquel, María Inusa e Andrea
Quiroga.: Patricia, Samantha, Isabel, Sabela e Alba. Tamén xogaron: Paula, Carolina e Antía.
Goles.: 1- 0 Xiana; 1-1 Alba; 2-1 Xiana; 2-2 Sabela; 3-2 Nerea; 3-3 Sabela; 3-4 Carolina.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
