Con nove partidos por diante para o remate ligueiro, o Burela FS Pescados Rubén estrea dirección técnica para emprender o voo da permanencia e seguir tendo o orgullo de representar o fútbol sala de elite na Mariña. Abandeirados polo experimentado Juan Luis Alonso Doral, Juanlu, afrontarán o reto Juanma, Edu, Mimi, Iago Míguez, Enrique Cánovas, Isi, Matamoros, Christian, Silva, Iago Barro, Hugo, Nacho Pedraza e Cesinha.
FC Barcelona (2 de marzo) e ElPozo Murcia (16 de marzo), en Vista Alegre, e Inter Movistar (9 de marzo), a domicilio, compoñen o horizonte máis inmediato para os laranxas. “Son realista, pero tamén optimista e construtivo. Gustaríame non ter que medirme a eles, pero aínda que non é o mellor momento é preferible que sexa cantos antes, así teremos tempo para traballar e mellorar de cara aos enfrontamentos directos”, facía referencia así Juanlu á visita crucial dos laranxas ás Canarias (21ª xornada), unha vez superada a tríade do podio.
Ante a complexa cita do sábado Juanlu amosou coraxe e serenidade. “Non podemos saír vencidos. A nosa aptitude debe ser a de non regalar nada e intentar sumar“ puntualizaba o madrileño sobre a visita do FC Barcelona Alusport (Vista Alegre, 19.30 horas), que vén de validarse como campión da Copa de España por terceira edición consecutiva.
“O factor tempo é determinante. O máis importante é que o equipo asimile os conceptos que quero canto antes, que se empape da filosofía de xogo. Debemos construír os cimentos con celeridade para chegar preparados aos encontros clave” incidía o novo técnico burelista na súa primeira semana á fronte do vestiario mariñán.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
