Daquela morea de entusiastas piragüistas que en 2009 elevaron a Ribadeo ao máis alto do piragüismo galego, nas filas do Club de Piraguismo Altruán de Ribadeo quedan xa poucos do equipo que se proclamou Campión na Liga Galega de Veteranos.
Na diáspora están Ricardo Navarro, que leva xa dúas tempadas en Cambados, non sen antes deixar no Altruán un campionato e dous subcampionatos de España en pista e kaiak de mar en 2010 e 2011; David López Sampedro, leva xa tres no CK Baix Llobregat, ao que entregou o ano pasado un campionato catalán de inverno; Ángel Gómez, acaba de traer un bronce no Campionato Galego de Inverno ao C. Kaiak de Foz onde actualmente milita….
Definitivamente, se o Altruán quería este ano recuperar esplendores pasados, debía apostar forte reforzando as súas minguadas filas. Pois dito e feito. E ao grande.
Igual que na estoxadiza fábula cinematográfica onde Di Caprio proclamaba a súa soberanía sobre os mares, Ribadeo contará nesta recen iniciada tempada de Piragüismo co seu soberano particular das augas -algo menos procelosas, iso si-, aínda que neste caso a bordo dun kaiak de competición e coa a indubidable veteranía que dan 40 anos de ininterrompidos éxitos deportivos.
Dende que en 1971 se proclamou Campión de España en categoría Infantil, ata o ano pasado co ouro no Campionato do Mundo de Marathón en Roma 2012, a abarrotada folla de servizos de Alberto Campos Vilariño verdadeiramente estremece. É difícil encontrar en toda a provincia de Lugo testa máis coroada, ou máis propiamente dito laureada, que a da nova fichaxe do Club de Piragüismo Altruán de Ribadeo, con permiso de olímpicos coma o ribadense Pedro Cuesta ou Luís Gregorio R. Misioné.
Campión de España case consecutivamente en pista dende aquel 1971 ata 1985, orlou o seu currículo de sinaladas participacións co equipo nacional e unicamente se lle resistiu a cita olímpica, sen contar toda unha pléiade de notorios éxitos en Ligas estatais, galegas e provinciais, fosen en pista ou ríos deportivos, que unicamente unha panoplia tan sobresaínte como a de Alberto Campos pode relativizar.
Tras Barcelona´92 concluíu aparentemente a súa exitosa carreira no piragüismo, aínda no seu apoxeo, comezando outra nun campo diametralmente oposto: o golf; actividade na que de novo puido demostrar as súas innatas calidades deportivas, chegando a ocupar praza no selectivo nacional representando a España en diversas competicións internacionais.
Aquilo fora unicamente unha paréntese. Cando en 2010 retorna ao piraguismo de competición, agora na categoría máster ( comunmente denominada veteranos) Alberto Campos certificou que gusta aínda de facer as cousas ao grande: dous campionatos e un subcampionato de España en velocidade e maratón, aos que engadir o ouro do Europeo de Marathón en Paris 2011; como a cousa sóubolle a pouco, en 2011 compareceu en Milán e non quixo deixar o Campionato do Mundo de Marathon sen traerse a Lugo outro ouro en k2.
Así as cousas, este ano 2013 o aínda vixente Campión do Mundo de fondo acaba de fichar por un modesto, o Altruán de Ribadeo, buscando quizais o bo ambiente e a camaradaría que distingue este equipo, coa tranquilidade de carácter que confire non estar na obriga que demostrar xa nada máis.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
