NOS ÚLTIMOS TRES MESES O CONCELLO ABRIU 13 EXPEDIENTES DISCIPLINARIOS A PROPIETAROS DOUTROS TANTOS INMOBLES QUE SUPOÑEN UN PERIGO PARA A SEGURIDADE PÚBLICA. FERNANDO SUÁREZ CONSIDERA QUE SE ESTÁN A VER OS RESULTADOS DA POLÍTICA DE REHABILITACIÓN DO EQUIPO DE GOBERNO E SUBLIÑA QUE TODOS OS OBXECTIVOS DO ÚLTIMO ARI ESTÁN CUBERTOS.
Ribadeo, 27 de febreiro de 2013. Desde o ano 2008 o Concello abriu 84 expedientes disciplinarios (13 nos tres últimos meses) aos propietarios doutros tantos inmobles que supoñen un perigo para a seguridade pública. Os datos foron facilitados esta mañá polo alcalde, Fernando Suárez, que se referiu deste xeito á situación do casco vello. O Concello incoou tamén 13 multas económicas e levou adiante 2 execucións subsidiarias. Suárez Barcia considera que se están a ver os resultados da política de rehabilitación que está a levar adiante o Concello ribadense e subliñou que todos os obxectivos do último ARI están cubertos.
O rexedor lembrou que “en máis dunha ocasión nos temos referido á situación do casco vello de Ribadeo e cómo desde o Concello estamos actuando con dúas caras: coa do diálogo e da colaboración con todos aqueles propietarios que queren rehabilitar os seus inmobles para que non supoñan ningún perigo público e logo tamén cunha cara máis dura con aqueles propietarios que se desentenden e que ao final fan que o Concello teña que adoptar medidas disciplinarias, sancionadoras ou mesmo de execución subsidiaria”.
Fernando Suárez indicou que “desde o 2008, que empezamos con esta política, actuamos en 84 expedientes, en 13 deles acabamos incoando multas económicas aos propietarios das vivendas (algunha delas reiteradas) e en 2 casos chegamos a facer execucións subsidiarias polo que o Concello tivo que facer as obras de por si con cargo despois, lóxico, do diñeiro ao propietario. Nestes últimos tres meses iniciamos 13 novos expedientes, que se están tramitando, e na maioría deles os propietarios, unha vez que lle ven as orellas ao lobo, acaban de boa fe eles iniciando os trámites e nestes últimos tempos nos están entrando proxectos de rehabilitación, que ao mesmo tempo supoñen unha fonte de traballo para moitas pequenas empresas de construción locais ou comarcais”. E engadiu que “se ve que no casco vello de Ribadeo hai certo traballo pola política que ten o Concello de ter estas áreas de rehabilitación, nas que se buscan subvencións do Estado e da Xunta, e porque os propietarios actúan para non ter problemas co Concello de Ribadeo”.
O alcalde ribadense pensa que “se están vendo os resultados xa de toda esta política de rehabilitación. Hai algúns inmobles, tamén nestes días, que están sendo obxecto de novas sancións económicas. Pero debo salientar o que sempre dicimos: ningún dos propietarios que viven en Ribadeo son destinatarios destas sancións económicas; trátase de propietarios de inmobles en Ribadeo, sobre todo no casco vello, que non están por aquí e que fan oídos xordos e que ao final se acaban encontrando cunha administración municipal que non quere escoitar máis razóns que as da rehabilitación dos seus inmobles para garantir a seguridade pública ou, en todo caso, se non están de acordo, que os vendan ou que llos cedan ao Concello para usos sociais”.
Fernando Suárez subliñou que “o décimo convenio do ARI firmado entre o Concello, a Xunta e o Estado dos obxectivos de 30 vivendas ata o 2015 están todos cubertos. Incluso, é máis, das 30 teóricas puidemos meter 40 expedientes. Quere dicir isto que funciona a vía da rehabilitación, a vía do diálogo, pero tamén funciona a vía da man dura con aqueles que non queren dialogar nin rehabilitar nin amañar. E espero que nos próximos meses, ao longo deste ano, se vexan máis estadas (andamios) en Ribadeo, máis obras no casco vello de xente que ao final, por ben ou por mal, acaba rehabilitando o seu inmoble. Iso supón unha mellora para todos, ter un casco vello dinámico, vivo, e que sexa tamén unha fonte de riqueza e un atractivo turístico de primeira magnitude para Ribadeo”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
