Dende a Comisión Executiva do PSdG-PSOE de Burela queremos informar a todos os veciños e veciñas de Burela que dende a nosa organización se vai a dar un apoio explícito á Plataforma en defensa da sanidade pública na Mariña na súa defensa dunha área sanitaria na Mariña que respete á independencia do Hospital da Costa e en contra dos recortes de servizos que o desmantelamento desta área sanitaria da Mariña suporía do noso benquerido Hospital da Costa. Dende o PSdG-PSOE de Burela queremos animar a todos os veciños e veciñas do noso pobo a participar nesta protesta pacífica e invitalos a defender o noso Hospital e a súa independencia, non só iso, senón que ademais temos que reclamar a súa ampliación tanto de espazo físico como asistencial, pedindo que se dote de máis medios e máis servizos.
Queremos tamén esixirlle ó Sr Barcia, alcalde dos veciños e veciñas de Burela, que se poña á fronte desta reclamacións e que defenda os intereses dos nosos veciños e veciñas, que para iso o elixiron, e se deixe de defender os intereses partidistas da súa agrupación política. Queremos tamén poñernos a disposición do alcalde para reclamar a ampliación de servizos e a independencia do mesmo e entre todos conseguir que non se leve a cabo a implantación da xestión integrada en Lugo que suporá a perda de poder de decisión da Dirección do nosos Hospital pasando a depender directamente da xestión que se faga dende Lugo. Se o alcalde defende os intereses dos veciños que non lle caiba dúbida que estaremos apoiándoo en todo aquilo que precise.
Queremos recordar que o Sr Feijoo (Presidente da Xunta de Galicia), na campaña electoral chegou a prometer ata en seis ocasións a ampliación do Hospital da Costa e non vaia a pensar o Sr Feijoo que os veciños e veciñas de Burela se esquecen destas promesas. Dende o PSdG-PSOE de Burela queremos esixirlle ó Sr Feijoo que cumpra cós veciños de Burela e da Mariña e entendemos que o Sr Barcia (alcalde de Burela) ten a obriga de pelexar porque esta promesa electoral se leve a cabo.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
