Foz, 28 de febreiro de 2013.- O BNG de Foz levará ao pleno a través dunha moción de urxencia o apoio á manifestación convocada pola Plataforma en Defensa da Sanidade Pública da Mariña. Esta mobilización, en forma de “cacerolada”, terá lugar en Burela o próximo sábado día 2 de marzo. Trátase de manifestar o noso rotundo NON ás intencións do PP de suprimir a área norte de saúde, que abarca toda a Mariña e que lle afectaría tanto ao Hospital coma aos Centros de Saúde dependentes del. Hai que ter en conta que o Hospital da Costa ten asignadas máis de 70.000 persoas, distribuídas en 14 Concellos, e que o Hospital Comarcal de Monforte conta con preto de 50.000 usuarios distribuídos en 11 Concellos, usuarios que pasarían a ter como primeiro hospital de referencia o Hospital de Lugo, a 100 km. do de Burela e uns noventa minutos de desprazamento en coche.
Para o BNG, as consecuencias para a sanidade pública atinxirían tanto ós usuarios coma ós profesionais sanitarios, sobre todo en dous aspectos importantes: en primeiro lugar, unha xerencia ubicada na cidade de Lugo, polas distancias da Mariña coa capital, unha grande perda da calidade de vida para a poboación afectada alén de teren que asumir os gastos de desprazamento e, no seu caso, de hospedaxe dos propios usuarios e dos familiares, o que supón unha discriminación con respecto a poboación dos centros urbanos grandes. En segundo lugar, unha xerencia ubicada en Lugo eliminaría de facto os investimentos futuros prometidos tanto nos centros de saúde como no propio Hospital da Costa, a súa ampliación, a implantación de novos servizos e especialidades así como recortes de dotacións que actualmente existen nos centros de saúde. Así mesmo, polo que sucedeu noutras zonas onde se implantou a xerencia única, suporía o aumento da derivación a clínicas privadas de Lugo, redución do persoal sanitario, aumento das listas de agarda en consultas e cirurxía e a perda de autonomía nas decisións.
ración instar á Xunta de Galicia a que manteña a áreas sanitaria da Mariña con todas as competencias e servizos que ten na actualidade, opoñerse á creación da Área de Xestión Integrada de Lugo na medida que alonxa os servizos dos cidadáns e merma a calidade asistencial, manter as plantillas actuais e garantir a mesma orde de prioridade na cobertura de prazas de especialistas nos Hospitais de Burela, Monforte e Lugo.
Finalmente o BNG pide o apoio do Concello de Foz á vindeira “cacerolada” en contra da Xerencia Única convocada o próximo día 2 de Febreiro de 2013 en Burela pola Plataforma en Defensa da Sanidade Pública da Mariña así como adherirse a dita Plataforma e apoiar todos os actos da mesma que realice en defensa dunha sanidade pública, gratuíta e universal.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
