O Presidente da Deputación, José Ramón Gómez Besteiro, avanzou hoxe a nova restruturación do Goberno Provincial froito das saídas da Corporación “de ben queridos amigos coma Juan José Díaz Valiño, que o fixo por motivo persoais, e José Ramón Val Alonso, que se incorporou ás listas autonómicas e hoxe é membro do Parlamento”. Gómez Besteiro adiantou os 3 principais cambios que se producen na adscrición de Deputados ás funcións no organismo provincial:
“O novo Deputado delegado da Área de Cooperación e Asistencia ós Concellos será Álvaro Santos, compañeiro de Friol que nos últimos dous anos levou a cabo un magnífico traballo como coordinador das políticas do grupo socialista, a veces un labor moi silencioso porque é interno, co que acadou unha gran experiencia e coñecemento do municipalismo mediante as actuacións levadas a cabo nos 67 municipios da provincia. Trátase dunha persoa moi próximo ós cidadáns e coñecedora do territorio lugués. É Presidente da Asociación Terras de Lugo, un colectivo sen ánimo de lucro, que representa a diferentes axentes da provincia e que promove o desenvolvemento socioeconómico do rural lugués coa execución na actualidade do programa LEADER en colaboración con AGADER, a Axencia Galega de Desenvolvemento Rural. Álvaro Santos tamén substituirá a Díaz Valiño no Padroado da Fundación TIC, que combina patróns de todos os grupos políticos na institución e profesionais externos á Deputación”.
“José Luis Raposo, un dos Alcaldes máis votado de Galicia tras ganar por maioría absoluta en 7 convocatorias electorais, cunha ampla traxectoria municipal que fixo que hoxe tamén sexa membro da Federación Galega de Municipios e Provincias, será o Deputado Provincial que represente á institución luguesa en importantes organismos como son o Consorcio Provincial de Bombeiros ou o Consello de Administración da Sociedade Urbanística Provincial (SUPLUSA) que traballa na posta en marcha da nosa rede de residencias e centros de día públicos nos Concellos da provincia”.
“Alfredo Llano, un dos tres mariñáns deste Goberno Provincial, formará parte da macro área que coordina a Vicepresidenta Segunda Lara Méndez, que é a de Emprego, Economía Sostible e Demografía, dende a que se xestionan proxectos europeos de 25 millóns de euros. Llano dirixirá as actuacións que impulsen a economía do coñecemento, emprendedores e innovación, como o programa tecnolóxico Innova-TE , asumindo deste xeito todas as responsabilidade que con anterioridade tiña Val Alonso”.
Patrimonio dos Deputados
O titular provincial avanzou que en marzo publicarase, por 1º vez na historia da Deputación de Lugo, o patrimonio de todos os membros da Corporación Provincial. Trátase dunha proposta de Gómez Besteiro que foi aprobada hai meses polo Pleno Provincial, enmarcada dentro da súa aposta pola transparencia das administracións, que xa fixo posible que, tamén por 1º vez na historia da institución luguesa, as retribucións na Deputación de Lugo estean publicadas en Internet, ó acceso de todos os cidadáns, en www.deputacionlugo.com. A información dos Deputados que se fará pública nas vindeiras semanas é a seguinte: posesión de inmobles urbanos e rústicos; valores mobiliarios; participacións en capital social; depósitos, certificados e seguros de vida; mobles ou enxoval doméstico; vehículos ou embarcacións; e ingresos anuais pola súa actividade. Non obstante, Gómez Besteiro xa ten publicado o seu patrimonio na páxina web do Concello de Lugo, www.concellodelugo.org, como membro de dita Corporación municipal.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
