BURELA CELEBRARÁ O DÍA INTERNACIONAL DAS MULLERES O 9 DE MARZO. HABERÁ UNHA CHARLA PROTAGONIZADA POR CATRO MULLERES, UNHA HOMENAXE A Mª CARMEN IRAVEDRA E DARASE LECTURA A UN MANIFESTO.
Burela, 28 de febreiro de 2013. Burela celebrará o Día Internacional da Muller o 9 de marzo con varios actos: unha charla no que catro mulleres, dúas emigrantes retornadas e dúas inmigrantes contarán as súas experiencias. O alcalde, José Mª González Barcia, dará lectura ao manifesto conmemorativo e a xornada concluirá cun xantar. Os actos, organizados pola Concellería de Servizos Sociais, Muller e Igualdade en colaboración coa asociación de amas de casa Praia da Marosa, Mulleres en Igualdade e As Encaixeiras, foron presentados este mediodía no Concello.
O programa de actos do día internacional das mulleres desenvolverase o 9 de marzo no salón de plenos da Casa do Concello. A edil popular Diana Durán explicou que “comezaremos cunha charla que leva por título Mulleres traballadoras sen fronteiras, onde nos contarán as súas experiencias catro mulleres de Burela, dúas emigrantes retornadas: Milucha Vispo Moreno e Granada Reigosa Fernández; e dúas mulleres inmigrantes: Niria Luisa Sánchez Usuy e Antonina Semedo Lopes. Cos seus relatos queremos ter un acercamento ás costumes doutros países e enriquecernos así coa multiculturalidade, sen esquecernos que antes de que Burela fose un pobo receptor de xente inmigrante foi unha vila mariñeira, onde a súa xente emigraba en busca de novas oportunidades. Tamén contamos coa colaboración desinteresada de Antonia Fernández Rivas, que está a elaborar unha representación videográfica na que as protagonistas son estas catro relatoras”. E engadiu que “a continuación terá lugar a homenaxe a Mª Carmen Iravedra, unha muller moi querida no noso pobo e que hai poucos días que nos deixou. É todo un modelo de muller a seguir por tres aspectos fundamentais: accedeu ao mundo estudantil cando só estudaban os homes, exerceu a súa carreira profesional de mestra cando case era prohibido para as mulleres e sobre todo pola súa calidade humana. Deste xeito desde o Concello de Burela queremos renderlle unha pequena homenaxe a ela e todas aquelas mulleres que xa non están entre nós e que foron un piar básico no desenvolvemento tanto social coma económico do noso pobo”.
Como broche final aos actos organizados pola Concellería de Servizos Sociais, Muller, Igualdade e Sanidade, a través do CIM, o alcalde, José Mª González Barcia, dará lectura ao manifesto institucional dando paso ao xantar conmemorativo deste día, que está organizado por tres asociacións de mulleres pertencentes ao tecido asociativo do concello “e ás que lles queremos agradecer a súa vontade para aunar esforzos cara a procura da igualdade entre mulleres e homes. Son a asociación de amas de casa Praia da Marosa, Mulleres en Igualdade e As Encaixeiras”.
A concelleira de Servizos Sociais, Igualdade e Muller sinalou que “camiñando todos e todas cara o mesmo obxectivo poderemos chegar máis lonxe e conseguir mellores resultados. Calquera muller que desexe participar no xantar debe dirixirse a calquera das mencionadas asociacións e retirar alí o seu tícket. O xantar está aberto a todas as mulleres de Burela e non é requisito imprescindible ser socia destas asociacións”.
No acto de presentación estiveron tamén o rexedor e representantes das tres asociacións que colaboran na organización do xantar conmemorativo.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
