O servizo será cofinanciado ao 50 por centro entre a institución provincial e os concellos trala negativa do Estado central e a Xunta de Galiza de garantir a súa continuidade
Antonio Veiga asegura que se trata “dun dos contratos máis importantes da historia da Deputación en materia de política social”
Lugo, 1 de marzo 2013. A Xunta de Goberno da Deputación aprobou, na reunión desta mañá, a contratación do servizo de Teleasistencia Domiciliaria, o prego de cláusulas administrativas particulares e prescricións técnicas que rexerán a licitación do citado contrato e o procedemento de adxudicación, que será aberto para a elección da oferta máis vantaxosa. Así o anunciou, durante a rolda de prensa posterior, o vicepresidente da institución provincial e delegado de Benestar Social, Antonio Veiga, quen explicou que o custe total do contrato ascende a 1.343.000 euros ao adxudicarse o servizo por catro anos.
Deste xeito queda garantida a prestación do servizo de Teleasistencia Domiciliaria para os vindeiros anos despois de que o Goberno do Estado suprimise dos Orzamentos Xerais a partida que o Ministerio de Sanidade, Servizos Sociais e Igualdade dedicaba, a través do IMSERSO, ao seu cofinanciamento e de que a Xunta de Galiza non se mostrase disposta a asumir a porcentaxe que aportaba o Executivo central.
“Trátase –asegurou Veiga- dun dos contratos máis importantes da historia da Deputación lucense en materia de política social, tanto pola súa repercusión económica como polos recoñecidos beneficios que reporta a centos de lucenses. O servizo de Teleasistencia Domiciliaria contratarase para os vindeiros 4 anos cun custo anual de 335.880 euros que será cofinanciado ao 50 por cento entre a Deputación e os concellos que se sumaron ao convenio de colaboración proposto pola Vicepresidencia e que foron todos agás un”. A este respecto, o responsábel da área de Benestar Social puntualizou que “o custo da Telesasistencia Domiciliaria para cada concello variará en función do seu número de beneficiarios”.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
