Estes días atrás os medios de comunicación déronnos a noticia de que en Navarra un Hospital que se lle acaba de aplicar a doutrina de “todo para privatizar” ou sexa que se entregou o servizo de catering a unha empresa particular, estivo servindo –segundo puidemos ver pola tele – comida verdadeiramente incomestible, noxenta e ademais “ azucre para os diabéticos” e cousas así e todo se solucionou dicindo que “poñerse o día en servir a comida segundo a enfermidade ou dieta do paciente, iso leva tempo pero pronto estará todo listo. E mentres, cantos empeoraran da súa enfermidade? Cantos tiveron que levar a comida da casa? E por un casual, morrería alguén? ¡Viva a privatización! Así cando algúns queiran irse da política sempre terán un posto de “aconselledor” ou dise conselleiro?.
Xa non teño memoria de como funciona iso de ir a un medico particular, pero meu amigo Manolo refrescoume a memoria, cando me contou o que lle pasou. Estes días foi ó medico de cabeceira, e este mandouno á consulta do especialista a Burela e tocoulle para case o mes de setembro, así que pediu vez a un medico particular e previo pago de oitenta euros puxo en vías de curalo, o menos non ten que pasar dolor ata o fin de agosto.
Estas dúas historias son a realidade de canto nos esta a pasar. A privatización so dará beneficio a quen é titular dela, e ganara os cartos ofrecendo pouco, e barato para non ter que gastar os cartiños que lle ten que pagar o estado polo servizo que dá (ou non dá) e posiblemente a ter moito coidado de cobrar menos do que antes gastaba o estado en dar o servizo que el presta, para así xustificar que o privado é mais barato pero non conta que para el ter pingües beneficios necesita eliminar servizos os pacientes. Unha forma elegante de desfacerse de pacientes “queixicas” que non somos mais ca iso, uns gastadores de recursos do estado, xa que eles non son así, eles, van a médicos particulares porque sempre teñen un bo soldo que llelo permite, e non como os parados e xubilados que non facemos mais que pedir.
Xa sabemos que ó Hospital da Costa o noso hospital de Burela, ha pasar a depender de Lugo porque ademais esta demostrado que morre tanta xente na estrada como da gripe e cada morto e un problema menos, xa que se supón que aqueles que temos que ir curarnos a Lugo somos pertencentes os 5 millóns de parados ou os xubilados ou os dependente de estes, xa que os que manexan o cotarro predican co exemplo e van ó medico particular, o pe da súa casa. Pero cumpriran o que din, deixaran os servizos no Hospital da Costa e incluso ampliaranos, mais aínda, falase de que renovaran os servizos, con utensilios marca Roca, para usalos mentres esperamos que nos dean quenda, pero para poñerse o termómetro teremos que ir a Lugo.
A mellor maneira de solucionar este desastre é que as listas electorais sexan abertas, que se atrevan a darnos unha lista de nomes, de xente da cidade e que o cidadán marque o nome de quen el queira, e ese señor respondería ante o seu electorado, non ante o seu partido. A metade dos males habíanse de acabar, e se ademais modificamos algunhas leis sobre o comportamento moral da clase política, mellor que mellor, pero mentres tanto teremos que vivir entre imputados.
Deus nos protexa se un día, algún dos que se suicida polo que esta pasando, antes de irse, decide levar compañía, entón os medos aceleraran os remedios.
Pero non nos esquezamos, os culpables somos os que temos o voto na man.
O político non é culpable, o culpable é quen o puxo no poder co seu voto.
Xosé Ruiz Leivas
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
