A décimo oitava tirada desta temporada da Liga de Bolos de Xove desenvolveuse nunha tarde agradable e cunha excelente participación de 40 inscritos.
Liga Senior Masculina.- Ao final non houbo sorpresas, e Arturo Vigo, por un marxe de dous puntos, impúxose a José Rafael González na auténtica final deste campionato, disputada moi duramente entre os dous xogadores con mellor palmarés no historial deste campionato que xa acada os 24 anos. A incomparecencia de Carlos Javier Rodríguez por enfermidade, fixo que Sócrates Campo acadara finalmente a terceira praza do podium final. Arturo Vigo, como primeiro clasificado con 131 puntos fíxose, pois, co trofeo e un premio de 200 euros. José Rafael González acadou a segunda posición con 129 puntos polo que recibiu un trofeo e un premio de 150 euros. Sócrates Campo completa o podio con 118 puntos que lle permiten facerse cun trofeo e un premio de 100 euros.
En canto á mellor bolada do campionato, tamén foi para Arturo Vigo con 98 tantos, obtidos o pasado 20 de outubro no Centro Social de Monte; aínda que a tivo que desempatar con Jordi Meitín, que tamén tiña 98 tantos.
Dentro da Liga Sénior Masculina, esta temporada e por primeira vez, tiña un apartado con premios aos tres seniors maiores de 60 anos que quedaran mellor clasificados na xeral. Neste caso, dentro dos maiores de 60 anos, José Baño fíxose co primeiro premio dotado con 75 euros e un trofeo. Arturo Rodríguez alcanzou a segunda posición nesta categoría e fíxose cun trofeo e 50 euros, mentres que José González, pechando o podio, se fixo cun trofeo e un premio de 25 euros. Pola súa banda, Modesto Albo, de 83 anos, fíxose co trofeo ó xogador máis veterano.
Liga Senior Feminina.- Nesta categoría hai que salientar a confirmación de Dolores Baño como terceira no podium final, praza á que accedeu a pasada semana grazas aos puntos obtidos en Morás. Concepción Piñeiro, que optaba a esa terceira praza, non foi capaz de puntuar, polo que se quedou coa cuarta praza final. Así, Carmen Roca encabeza o podio seguida de Belén Meitín e Dolores Baño que recibiron cadanseu trofeo e un premio en de 90, 75 e 50 euros, respectivamente.
A mellor bolada de todo o campionato foi para Dolores Baño con 69 tantos, obtidos o pasado 23 de febreiro na bolera do Centro Social de Vilachá; aínda que tivo que desempatar tamén con Carmen Roca. Concepción Piñeiro e Salomé Bermúdez sitúanse na cuarta e quinta posición, respectivamente, onde tamén recibiron premio.
Liga Sub 18.- Todo estaba decidido nesta liga, xa que os cinco primeiros postos que dan opción a premio en metálico e trofeo xa estaban confirmados de antes. Daniel López con 97 puntos alcanzou a primeira posición que conta cun trofeo e un premio de 90 euros. Salomé Cardoso recibiu 75 euros e un trofeo pola segunda posición; mentras que o seu irmán Isaías se fixo coa terceira praza, un premio de 50 euros e un trofeo. Lara Rodríguez e Isabel Cociña completan os premiados da categoría ó alcanzar a cuarte e a quinta posición, respectivamente. A mellor bolada caeu finalmente en Daniel López con 71 puntos, obtidos en Morás o pasado 2 de marzo.
Entrega de premios
O alcalde Demetrio Salgueiro presidiu a entrega de premios onde agradeceu a todos e todas as xogadoras, a súa participación nesta competición de deporte popular autóctono, que dende hai 24 anos ven organizando o Concello. Esta edición contou coa colaboración do IES Illa de SArón para as Xornadas Iniciais de Promoción dos Bolos, e tamén co Club de Bolos Xove, do que forman parte a maioría dos xogadores e xogadoras que participan neste campionato.
Como remate desta temporada, o vindeiro SÁBADO 16 DE MARZO, a partir aproximadamente das tres e media da tarde, vai ter lugar no centro social de Sumoas a X COPA DE BOLOS CONCELLO DE XOVE.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
