O secretario xeral do PSdeG-PSOE en Lugo e candidato a encabezar o partido en Galicia, José Ramón Gómez Besteiro, vén de anunciar no seu perfil en Twitter (@jrgomezbesteiro) que, tal e como xa adiantara publicamente, comezará a visitar todas as comarcas de Galicia para escoitar e coñecer de primeira man o que pensa a militancia e construír un proxecto de suma para o futuro. “Esta semana empezo a visitar todas as comarcas e a escoitar á militancia do @PSdeG. O mércores, coa Agr. Local de Santiago. #Falamos?”, escribiu esta mañá o socialista na rede social. Gómez Besteiro seguirá a manter contactos estes días para pechar novos encontros no resto de agrupacións do territorio galego.
Gómez Besteiro cumpre así o seu anuncio de “empezar a traballar” despois de transmitir de forma oficial a súa candidatura diante dos seus compañeiros e compañeiras no último Comité Nacional do partido –o máximo órgano entre congresos-, celebrado hai escasos días en Compostela. O socialista tamén ratificou, tras o Comité, a súa intención de visitar as agrupacións “respectando e comunicándollo ás estruturas do partido en cada unha das provincias” para buscar “unidade e fortaleza”, actuando sempre “con transparencia e procurando a participación”. O obxectivo, dixo, é construír “un partido que lle sexa útil á cidadanía”, nun proceso que cualifica de “emocionante e ilusionante”.
Deste xeito, o socialista leva a Galicia a idea de contacto e traballo coas bases que está a realizar nas comarcas e agrupacións da provincia desde a secretaría xeral de Lugo. Este compromiso tivo ata agora como principal cita o encontro coa militancia Partido Aberto, Goberno Aberto, celebrado o 15 de decembro na Facultade de Veterinaria, no que transmitiu a súa intención a optar á secretaria xeral do PSdeG ante cerca dun milleiro de militantes.
José Ramón Gómez Besteiro, avogado e natural de Lugo, é militante do PSdeG desde hai 20 anos. Comezou desde abaixo, botando unha man na Agrupación Local de Lugo en todo o necesario, e antes de que o partido lle pedira que fora de número 4 na lista do Concello.
A pesar dos pésimos prognósticos electorais, os socialistas gañaron a Alcaldía de Lugo. Foi entón cando tivo que facerse cargo da Concellería de Urbanismo e Rehabilitación ademais de converterse no voceiro do equipo de goberno. Besteiro foi responsable neses anos da Agrupación Local de Lugo, xa que era o Secretario Xeral. No 2007, e de novo, tras 24 anos de goberno do Partido Popular, optou ó posto de Presidente da Deputación de Lugo, converténdose no primeiro mandatario provincial socialista na historia da institución. No 2011 os socialistas volveron renovar a vitoria electoral e hai tan só dez meses tivo que mudar a Secretaría Xeral da Agrupación Local de Lugo pola Secretaría Provincial, un posto no que obtivo o máximo respaldo de todos os seus compañeiros.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
