O Burela FS B Pescados Rubén non tivo a súa tarde máis acertada o sábado; caeu na pista do Ventorrillo FS por 9-3, resultado moi condicionado pola falta de definición laranxa e a veteranía dos locais.
Con equilibrio sobre a pista durante a primeira parte, a falta de acerto dos mariñáns xa se deixou notar desencadeando na vantaxe para o Ventorrillo, con 3-1 xa ao descanso.
Ao regreso o Burela FS B dominou e gozou das mellores ocasións; así nos primeiros minutos puido reducir distancias (3-2). Despois de desaproveitar dous goles cantados a porta baleira e cando todas as sensacións indicaban que os de Lucas podían darlle a volta ao luminoso, chegou o 4-2, en contragolpe. Lonxe de resignarse, o cadro laranxa seguiu creando perigo ante a portería do Ventorrillo, que subiu o 5-2 noutra contra. O Burela FS B reaccionou con porteiro xogador, unha decisión coa que non conseguiron sorprender a meta rival e a perda de balóns lles custou o definitivo 9-3.
Ficha técnica
Ventorrillo FS: Alexandre, Edu, Javi Alvéndiz, Borja e Pablo. Tamén xogaron Alberto, Xoel, Alan, Sergio, Raúl, Adrián e Rouco.
Burela FS B: Brais, Bruno de Nois, Fabio, Antón e Keko. Tamén xogaron Carlos, Manuel, Souka e Hélder.
Goles: Polo equipo local Edu (2), Sergio, Pablo, Borja, Alan (2) e Adrián. Polo Burela FS B Manuel (2), Souka 1 e Bruno de Nois (1) en propia porta.
Árbitros: González Lubián e Otero Baltasar.
Resultados de base
Liga Nacional Xuvenil
Burela FS 3-5 Hércules FS
Liga Autonómica Cadete
Burela FS 6-3 Hércules FS
Liga Autonómica Infantil
ED EON Burela FS 2-7 ACD Lumieira
Deporte Escolar
Burela FS Cadete 3-3 O Pilar Cadete
ED EOn Burela FS Inantil A 3-2 EDM Riotorto Infantil
Ribadeo FS Infantil 2-1 ED EON Burela FS Infantil B
ED EON Burela FS Alevín A 7-1 Celeiro Xove Alevín
EDM Mondoñedo Alevín 3-3 ED EON Burela FS Alevín B
ED EON Burela FS Benxamín 13-2 Celeiro Xove Benxamín
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
