Para o xoves 21 de marzo está convocado un pleno ordinario onde se van a tratar nove puntos, dos cales oito son de carácter administrativo. O que demostra o pouco interese deste equipo de goberno do PP en levar aos plenos temas que sexan beneficiosos para o conxunto dos veciños de Burela.
O señor alcalde tampouco perdeu a oportunidade de amosar o seu desprezo aos veciños de Burela e aos partidos políticos que integran a oposición ao romper coa tradición e impoñer, ditatorialmente sen dar ningún tipo de explicacións, o horario do pleno ás once da mañá, cando o horario normal de celebración é as vinte horas.
Para este pleno o grupo socialista leva dúas mocións. Unha a favor da adopción de medidas para favorecer o funcionamento das entidades, sen ánimo de lucro, que se dedican a actividades deportivas, culturais, recreativas, etc. do noso concello. Para lograr esta proposta propoñemos os seguintes acordos:
1.- Modificar o capítulo 4 de transferencias correntes para crear unha asignación económica específica para subvencionar as distintas asociacións que exercen a súa actividade no concello de Burela.
2.- Outorgar as subvencións solicitadas de acordo ao programa de actividades de cada asociación e seguindo o procedemento establecido na correspondente ordenanza.
A segunda moción é a favor do rexeitamento ao novo modelo de prezos públicos que a Xunta quere aplicar nos comedores escolares, e faise a seguinte proposta:
1.- O pleno do Concello de Burela manifesta o total rexeitamento ao repagamento do servizo de comedor que pretende establecer a Xunta para o vindeiro curso, por ser un ataque intolerable á Escola Pública e un machadazo ás familias.
Pola súa banda o grupo municipal do PP auto aplicase unha moción relativa ao Hospital da Costa e a área sanitaria de A Mariña. Nesta moción o grupo socialista fará a proposta de que a comarca da Mariña sexa Área Sanitaria de Xestión Integrada con plena autonomía, avalada pola maioría dos veciños da comarca (contrastada por numerosas firmas), Plataforma Sanitaria e Xunta de Persoal do Hospital da Costa. Tamén se apoiará a ampliación do Hospital, conservación e melloras de servizos e da sanidade pública.
GRUPO MUNICIPAL SOCIALISTA DE BURELA
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
