A Deputación de Lugo celebrou con escolares da provincia os Días Internacionais da Árbore e da Auga, tras o éxito acadado coa convocatoria do pasado ano. Case 10.000 rapaces participaron dende o pasado xoves 21 nas actividades que se desenvolveron de xeito simultáneo en 96 colexios de toda a provincia, co obxectivo fundamental de conciencialos acerca da necesidade de preservar o medio ambiente, comezando polo seu hábitat máis próximo, na mesma liña doutras actividades de divulgación que a institución provincial organiza para nenos e maiores de xeito habitual.
Así pois, o 21 de marzo os alumnos leron ó libro de contos Viaxe polos ríos e árbores dos Ancares, elaborado en papel reciclado, que recollía relatos breves relacionados coa xeografía e a natureza da zona, escritos por autores coma Paco Martín, Helena Villar Janeiro, Marica Campo, Agustín Fernández Paz, María Reimóndez, Santiago Jaureguizar, Carmen Blanco, Xabier P. Docampo e Carlos G. Reigosa. Os profesores tamén puideron participar de xeito activo grazas á Guía do Profesorado, que lles ofrecía algunhas propostas e ampla orientación para organizar xogos, manualidades ou experimentos complementarios nas aulas. A actividade central tivo lugar esta mañá, cando todos os escolares da provincia prantaron nas cercanías dos seus colexios os 100 bidueiros cedidos pola institución provincial, ós que os rapaces bautizaron cun nome elixido por sorteo e regaron por vez primeira.
Bidueiros en Becerreá
O Presidente da Deputación quixo acompañar a algúns destes rapaces na actividade central da xornada. O acto, que tamén contou coa presenza da Deputada de Medio Ambiente e Enerxías Renovables, Sonsoles López Izquierdo, tivo lugar no CEIP público San Xoán, de Becerreá, onde o máximo responsable provincial colaborou cos alumnos e mestres deste Centro para prantar e regar dous bidueiros.
Este colexio de Becerreá foi un dos 8 da Montaña luguesa que se sumaron á iniciativa, xunto con outros 24 da comarca da Mariña; 23 da Zona Sur; 21 da comarca lucense; 17 chairegos e 3 da Ulloa, dos cales 85 eran CEIP (Centros de Educación Infantil e Primaria), 8 CPI (Centro Público Integrado), 1 CEP (Centro de Educación Primaria) e 2 CEE (Centro de Educación Especial).
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
