O Club de Golf Lugo celebrará este sábado, día 23, e o veindeiro, 31 de marzo, sendas xornadas de portas abertas co obxectivo de invitar a todos os interesados no golf a coñecer as súas instalacións e as múltiples posibilidades que ofrece.
Durante ambas xornadas está previsto que os visitantes poidan coñecer tanto as dimensións e peculiaridades do campo de golf lucense, como os servizos auxiliares e algunhas das actividades que se realizarán no centro a partir do mes de abril, cando comece a temporada de torneos. A presentación da programación que levará a cabo a nova directiva realizarase durante a primeira quincena de abril pero os interesados en asistir poderán coñecer un avance durante estas dúas sesións.
Ademais, está prevista a celebración de varias clases prácticas ao longo do día, nas que os visitantes poderán probar a súa pericia cos paus e coñecer desta forma a metodología de ensinanza que se segue no club ara os disntos grupos de idade, xa que se imparten calses a partir dos 5 anos sen límite de idade.
O profesor do club, profesional deste deporte, será o encargado de dirixir as clases de proba nas que poderán participar tanto os xa iniciados como aqueles para os que sexa a súa primeira vez.
O golf está considerado un dos deportes máis saudables, sendo apropiado para todas as idades. A súa práctica contempla o percorrido de entre 6 e 9 quilómetros, polo que é unha práctica moi recomendable en especial para o colectivo da terceira idade polos seus beneficios cardiovasculares.
Contrariamente ao que se cre, trátase dun deporte moi técnico no que a psicología é o 70%, polo que se aconsella tamén para o desenvolvemento mental dos nenos. De feito, o Club conta co seu propio club infantil no que os nenos a partir de cinco anos aprenden o deporte e participan en distintas actividades e campionatos.
O Club de Golf Lugo manten aberto o seu proceso de inscrición e quere animar a todos os lucenses a visitar as súas instalacións e ter unha experiencia coa práctica dun deporte que cada día aumenta o seu número de afeccionados.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
