“É unha vergoña que o sinal de “estrada sen pintar” leve cinco meses posto”
Foz a 27 de marzo de 2013.- O BNG de Foz volve a reiterar as denuncias (feitas durante todos estes anos) do estado de abandono no que se atopa a estrada N-642 ao seu paso polo Concello de Foz. En concreto, falamos principalmente dos tramos na zona da Espiñeira-Mañente, na zona de Nois á altura da praia de Arealonga, en Fazouro e nalgúns tramos da circunvalación de Foz, é dicir, practicamente en todo o seu traxecto.
O Ministerio de Fomento –titular da estrada- dedícase por sistema a poñer parches que non solucionan o problema, máis ben son cartos tirados pois en canto chove un pouco volven a aparecer os socavóns. En palabras do portavoz nacionalista, Xan Carlos González Basanta, “a última vez que se puxo de forma parcial novo firme foi nun fin de semana cando o Ministro de Industria veu de visita a Alcoa con motivo da reivindicación da tarifa eléctrica a primeiros de outubro do ano pasado. Nese momento si houbo disposición e cartos para asfaltar con aglomerado varios tramos da estrada actuando de maneira caciquil, como lle gusta facer ao PP”. É máis, resulta vergonzoso ver todos os días como as sinais de “estrada sen pintar” aínda permanecen á beira da estrada desde aquela, é dicir, desde hai cinco meses, o que demostra o abandono na que a deixan.
Para o BNG o mantemento e a conservación das estradas son algo imprescindible para evitar accidentes e circular con seguridade. Ademais isto é máis necesario aínda en estradas como a da costa mariñán: mal iluminada, mal pintada e con pouca visibilidade. Hai que recordar que esta estrada de ámbito estatal e a única operativa na costa desde Foz ao Vicedo polo atraso constante da Autovía da Costa. “Calquera estrada secundaria que pasa por Foz (Foz-Ferreira, Cangas-Ferreira,…) é máis segura e está mellor conservada que a N-642 e isto debería facerlles pensar aos responsables de Fomento, que habelos hainos” declara Basanta.
Por iso o BNG, volve a reiterarlle a Fomento que amañe a estrada N-642 ao seu paso por Foz dotándoa dun novo firme en todo o seu traxecto porque realmente é unha vergoña e un perigo o estado tan lamentable na que se atopa.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
