Ribadeo, 1 de abril de 2013. Arredor de dúas mil persoas se achegaron en busca de información ás oficinas de turismo de Ribadeo e das Catedrais, pero moitos milleiros máis visitaron o concello ao longo desta semana santa, segundo os datos que daba a coñecer esta mañá o alcalde, Fernando Suárez.
O rexedor quixo expresar no nome do equipo de goberno de Ribadeo “a nosa ledicia de ver cómo nestes días de semana santa, a pesar do mal tempo que se rexistrou nalgunhas xornadas, se rexistrou a importante presenza de milleiros de turistas, que encheron as nosas rúas, os nosos restaurantes e os nosos hoteis a pesares do momento excepcional económico no que vivimos. Ben sexa pola atracción das Catedrais ou pola da propia vila de Ribadeo, ben sexa polo torneo de fútbol base que organizou a Deputación Provincial de Lugo e que atraeu a uns 500 nenos de concellos de toda a provincia ou mesmo por un campionato de pádel organizado por unha entidade privada, Ribadeo nestes días estivo cheo de xente”.
Suárez Barcia dixo que “así o indican os datos da oficina de turismo tanto a da vila, que está aberta todo o ano, como os do punto de información turística das Catedrais, que por primeira vez na historia o abrimos na semana santa. As cifras son mareantes, unhas 1.000 persoas se achegaron en busca de información á oficina de turismo de Ribadeo e máis de 800 ao punto instalado nas Catedrais, preto de 2.000 persoas pediron información, pero estas non son as persoas que visitaron o concello, senón que viñeron moitas máis. A persoa que estivo na oficina das Catedrais, como calquera que puido ir alí, dicía que quedou sorprendida polos centos e centos de persoas que baixaron ao areal, daba igual si chovía ou si facía sol”.
Sobre a orixe dos turistas que visitaron Ribadeo estes días, a maior parte procedían de Galicia, seguidos moi de cerca por madrileños e vascos. Despois atópanse asturianos, castelás e cántabros. O turismo internacional está liderado por alemáns e franceses, seguidos de ingleses, suízos e residentes nos países do Leste europeo. O alcalde de Ribadeo indicou que “cada vez estamos a recibir máis, algo que non debemos desatender, e moitos deles veñen ver o que se está a constituír coma un referente turístico internacional como é a praia das Catedrais, por toda esta difusión mediática e todas as actividades que estamos a crear, a promover e a intensificar desde o Concello e que están dando lugar a que Ribadeo sexa un apéndice da praia das Catedrais”.
Fernando Suárez sinalou que “hai moita xente que ven durmir a Ribadeo ou que ven aquí de visita, que máis que por Ribadeo veñen por ver a praia das Catedrais. A nós isto agrádanos enormemente, pero estamos traballando para que veñan a Ribadeo, para que se queden en Ribadeo e para que volvan a Ribadeo, por iso puxemos a oficina de turismo na praia das Catedrais estes días. Así, foron máis de 100 as persoas que se fixeron coa credencial do Viaxeiro ribadense, é dicir a acuarela da praia das Catedrais que recibiron como obsequio aqueles que despois de visitar o areal e outros puntos de interese do concello recalaron en Ribadeo”.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
