A implantación do modelo de xestión integrada é xa un feito logo da decisión da Consellería de Sanidade, avalada polo Consello da Xunta, e da inminente publicación do decreto correspondente no DOG.
• Os populares defenden que non ten sentido debater sobre cuestións técnicas que os xefes de servizo do Hospital xa puideron tratar e trasladar á Sanidade na xuntanza que mantiveron co director xeral de Asistencia Sanitaria.
• Subliñan o compromiso político firme para que todos os pacientes da Mariña manteñan os mesmos servizos no Hospital da Costa e incluso que se aumenten e sobre todo, apostan pola ampliación do centro, feito reforzado trala licitación do seu Plan director.
• Sinalan a importancia de respectar as canles habituais de interlocución entre os representantes oficiais dos traballadores e o persoal directivo do Hospital e do SERGAS.
Burela, 02 de abril de 2013.- Alcaldes, portavoces locais e deputados do Partido Popular na Mariña lucense acordaron non asistir á xuntanza convocada, o vindeiro mércores, por varios facultativos do Hospital da Costa. Entenden que non ten sentido discutir sobre a implantación dun modelo de xestión integrada que xa é un feito na provincia de Lugo logo da decisión da Consellería de Sanidade, avalada polo Consello da Xunta, e da inminente publicación do decreto correspondente no Diario Oficial de Galicia, prevista para o próximo venres ou luns.
Ao mesmo tempo os representantes populares sinalan que si a intención dos convocantes é trasladar cuestións técnicas, xa tiveron oportunidade de facelo a través da xuntanza convocada polo SERGAS cos xefes de servizo do Hospital. Nela participou o director xeral de Asistencia Sanitaria, Felix Rubial, quen recibiu as suxestións que formularon os facultativos e resolveu cantas cuestións técnicas e dúbidas puideron suscitarse.
COMPROMISO POLÍTICO FIRME
Desde o Partido Popular da Mariña aseguran e insisten que os intereses dos veciños están salvagardados coa decisión da Xunta de Galicia e que nunca tomarían unha decisión para prexudicar á comarca. De feito lembran que a iniciativa do PP tanto nos distintos concellos como no Parlamento de Galicia veñen de rexistrar mocións nas que se comprometen a a manter a totalidade dos servizos que se prestan actualmente no Hospital da Costa e incluso incrementalos e, sobre todo, a ampliar o Hospital. Compromiso que adquiriu firmeza coa contratación dos servizos para redactar o Plan Director, licitada polo SERGAS e para que se destinarán 143.392 euros.
Desde o Partido Popular destacan os novos servizos previstos no Plan funcional do centro hospitalario como son a implantación dun hospital de día, dunha nova área de diálises, das unidades de oncoloxía e cirurxía vascular, a construción dun aparcamento soterrado e o uso individual das actuais habitacións do Hospital
Os populares lembran tamén que os alcaldes da comarca xa mantiveron un encontro coa conselleira de Sanidade, Rocío Mosquera e o equipo directivo do SERGAS no que se lles explicou que a área sanitaria da Mariña mantense (non se modifica o mapa sanitario) e que esta contará cun director executivo que amplía as súas competencias tanto na xestión directa do Hospital como sobre os centros de saúde da comarca que ata o de agora dependían de Lugo.
Respecto de todas estas cuestións fan un chamamento de tranquilidade á cidadanía e insisten en que o tempo dará e quitará razóns e demostrará que o PP é o primeiro defensor da sanidade pública da comarca.
RESPECTO AS CANLES DE INTERLOCUCIÓN OFICIAIS
Finalmente e desde o máximo respecto aos convocantes da xuntanza e ás opinións que poidan ter cada quen, emprazan a ese grupo de facultativos a que calquera cuestión que teñan interese en transmitir deben facelo polas canles habituais de interlocución entre os directivos do Hospital e do SERGAS e os representantes oficiais dos traballadores que son os facultados para este menester.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
