BURELA .- O Colectivo Cultural Buril conmemora o Día das Letras Galegas deste ano, baixo o lema “Temos umha língua mundial!” e organiza diversos actos dende o 9 ao 16 de maio. A banda de rock burelá Torques un concerto o día 9 e, o día 16, Buril pintará un mural para reivindicar que a Real Academia Galega lle dedique o Día das Letras do ano 2010 a Ricardo Carvalho Calero
Nota de Prensa
O Colectivo Cultural Buril realizará unha serie de actos para commemorar o Día das Letras Galegas deste ano, baixo o lema Temos umha língua mundial!. O primeiro deles terá lugar o próximo sábado, 9 de maio, no pub burelao Penta, onde haberá unha Festa pola língua, a partir das 22:00 horas, con petiscos de balde para ir abrindo boca antes do concerto que dará a banda de rock burelá Torques, sobre as 00:00 horas. A seguir ao concerto pincharase música en galego e proxectaranse vídeoclips de bandas que cantan en galego, así como músicas doutros países que integran a CPLP (Comunidade de Países de Língua oficial Portuguesa), como Portugal, Brasil, Cabo Verde, Angola, etc. tentando que estean representadas o maior número posíbel de variantes da nosa língua.
As actividades continuaram a próxima semana, concretamente o sábado 16 de maio, día no que o Buril pintará un mural para reivindicar que a Real Academia Galega lhe dedique o Día das Letras do próximo ano 2010, ao que foi um dos máximos exponentes do reintegracionismo, Ricardo Carvalho Calero (Ferrol, 1910-Compostela, 1990), ano do centenario do seu nacemento e do octoséximo aniversario do seu pasamento.
Esta demanda está tamén incluída no manifesto Galego Sempre Mais, manifesto ao que aderiu o Buril e impulsado pola plataforma que leva o mesmo nome, integrada por colectivos, locais sociais e por todo o movemento de base reintegracionista do país, para defender o galego perante os ataques que está a sofrer por parte do españolismo máis agresivo e antigalego dos últimos tempos. Esta plataforma convoca unha manifestación para o Domingo, 17 de maio, em Compostela, á cual o C.C. Buril convida a asistir a todos os burelaos e burelás na defensa do galego.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
