Ermida denuncia que os populares queren quedar ben cos mariñáns solicitando no Parlamento a ampliación do Hospital da Costa cando dita ampliación a prometeron preto dunha decena de veces e non a cumpriron.
“Mentres non se derrogue o Decreto de xestión integrada a sanidade da Mariña seguirá deteriorándose co beneplácito de todo o Partido Popular”.
A Mariña, 19 de abril de 2013. Ana Ermida, responsábel comarcal do Bloque Nacionalista Galego (BNG) denuncia a hipocresía do Partido Popular amosada na aprobación dunha iniciativa presentada polo seu Grupo Parlamentar na Comisión de Sanidade e na que se solicita instar á Xunta de Galiza a manter o actual mapa sanitario na provincia de Lugo, de tal xeito que se manteña a área sanitaria da Mariña “cando esta non desaparece, mantense pero sen as competencias que eles mesmos lle acaban de retirar co Decreto de Xestión Integrada provincial”.
Segundo Ermida, o texto da iniciativa “está baleiro de contido, xa que o primeiro paso para poder lograr o que demandan é derrogar o Decreto de xestión integrada para a provincia de Lugo, algo que os nacionalistas levamos tempo pedindo ao igual que o persoal sanitario do Hospital e centos de mariñaos.” Non entendemos por que o Partido Popular, “se realmente está preocupado polo futuro da sanidade na comarca non se suma a esta petición e deixa de presentar iniciativas que non teñen senso algún e que semellan ser un intento quedar ben coa cidadanía mariñá despois de ter ocasións suficientes para defender a sanidade da comarca e non facelo.” Nesta mesma liña a portavoz nacionalista “non se explica como os mesmos que incumpren as súas promesas desmantelando a autonomía na xestión sanitaria da comarca cun decreto que centraliza competencias en Lugo, aínda teñen a cara dura de reclamarlle á sociedade confianza en mais compromisos baleiros e inzados de incoherencia política”.
“Agora – continúa Ermida- piden, tamén, que a ampliación do Hospital da Costa se faga de inmediato para adaptalo a actual demanda asistencial, ofrecer unha mellor prestación de servizos para os pacientes e mellorar as condicións nas que os profesionais fan o seu traballo. Anos despois de incumprir a súa promesa de ampliación, de suprimir servizos e permitir que se deterioraran as condicións de seguridade e calidade asistencial para pacientes e persoal sanitario e de colocar casetas de obra para pasar consulta, piden a ampliación do Hospital. Unha vez máis o Partido Popular chega tarde”.
Dende o Bloque insístese en que “o que precisa a sanidade da comarca é o que está a pedir o conxunto da sociedade mariñá, un decreto de xestión integrada propio para xestionar sanidade primaria e especializada, ter un Hospital bo e non un ambulatorio grande, con plena capacidade para xestionar os seus recursos e non medidas que teñen como fin fundamental o recorte de servizos sanitarios públicos e alimentar o negocio da sanidade privada”. “Mentres iso non se cumpra todo o que se anuncie é demagoxia. Se o Partido Popular quere garantir os dereitos sanitarios dos mariñaos que esixa ao presidente Núñez Feijóo que derrogue o Decreto de xestión integrada, modifique a folla de ruta da Xunta encamiñada á privatización sanitaria, aprobe un Decreto de Xestión Integrada propio para a Mariña e deixe de seguir vendendo fume con ampliacións virtuais do Hospital da Costa sen prazos nin orzamento”.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
