O Grupo Municipal do Bloque Nacionalista Galego de Viveiro ven de presentar ao Pleno da Corporación Municipal as seguintes preguntas e rogos:
PREGUNTAS
1. Os traballadores municipais, perciben conforme ao convenio axudas económicas para os estudos das súas fillas ou fillos. Temos constancia da existencia de casos de traballadores que levan máis de tres anos sen cobrar a axuda correspondente, logo de presentar toda a documentación. ¿Ten o goberno municipal intención de facer efectivos os atrasos correspondentes ás axudas para estudos? De ser así, ¿Qué previsión existe de pago?
2. O pasado mes de xullo de 2012, os concelleiros e concelleira do BNG, que formábamos parte do goberno municipal, recibimos unha notificación por parte da Alcaldía e da Concellería de Facenda, que foi publicada en diversos medios de comunicación, instándonos a realizar as correspondentes retencións de crédito para a realización de gastos no Concello, garantindo así a existencia de crédito para efectuar os gastos. ¿Mantense na actualidade este sistema de funcionamento paga a realización de gastos no Concello? Se non é así ¿Cómo se controla o que gasta cada Concellería? ¿Axústase o gasto ao orzamento do ano 2013?
3. A concesión da gardaría municipal, conforme aos nosos datos remataba no pasado mes de setembro de 2012. Segundo o contrato o Concello pode realizar unha prórroga correspondente a 6 meses, que remataría o pasado mes de marzo. Numerosas veciñas e veciños do noso Concello, mostran o seu interese en presentar os seus proxectos para a futura concesión. ¿A situación actual da Gardaría Municipal, coa concesión extinta, axústase á legalidade?¿Cando ten previsto o Goberno Municipal sacar a Concurso o servizo da gardaría?
ROGOS
1. O Goberno Municipal de Viveiro, ven de modificar a sinalización do Camiño Real en Celeiro. A citada modificación, moi criticada por gran parte das veciñas residentes na zona e no resto de Celeiro, limita os accesos á Rúa Grande a un, dende a estrada xeral, causando un perxuizo e incomodidade ás veciñas e veciños de Celeiro que residen no Celeiriño, na Rúa Grande, Rego da Fonte e Camiño Real. Rogamos ao goberno municipal que modifique a sinalización e recupere a existente anteriormente en doble dirección.
2. A estrada de Santo Albites ao Cemiterio de Celeiro, nas últimas casas de Santo Albites, presenta numerosas fochancas, que van en aumento a medida que continúan as chuvias. Rogamos ao Goberno Municipal a súa reparación cando sexa posible.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
