O club é un claro exemplo de traballo desde a base, con 141 deportistas federados e uns 85 escolares, e cun equipo feminino na Primeira División de Atletismo
O Lucus – Caixa Rural venceu na clasificación conxunta por equipos o Campionato Galego de Atletismo por Clubs
Lugo, 19 de abril de 2013. O vicepresidente nacionalista da Deputación de Lugo e delegado de Benestar Social e Deporte, Antonio Veiga, visitou esta tarde aos deportistas e adestradores do club de atletismo Lucus – Caixa Rural, para ver unha das súas sesións de traballo e aproveitar para trasladarlles os parabéns pola magnífica actuación realizada no Campionato Galego por Clubs disputado na Malata, en Ferrol. De feito, o club lucense logrou o segundo posto co equipo feminino, mentres que o conxunto masculino clasificouse na quinta posición. Pero, sobre todo, o club lucense logrou o primeiro posto na clasificación conxunta, aquela que se compón a partir da suma de puntos obtidos polos dous conxuntos.
Nesta competición, no aspecto individual destacaron os seis triunfos que lograron os representantes do Lucus en diferentes probas. Miguel Pérez impúxose na proba dos 110 metros valados cun tempo de 15.09 segundos; Paula Ferreiros fixo o propio nos 400 metros cun tempo de 55.38 segundos, que é tamén a súa mellor marca persoal; Alicia Merino gañou a proba dos 100 metros valados cun tempo de 15.81 segundos; Saleta Fernández triunfou na proba do salto de altura cunha marca de 1.60 metros; e finalmente Marta Lolo levou a vitoria na proba do salto de lonxitude cunha marca de 5.52 metros e no triplo salto con 12.20 metros. O Lucus feminino prepara agora a súa estrea na Primeira División de clubs, que arrincará o día 28 deste mes en Burgos.
Antonio Veiga felicitou a todos e todas as deportistas do club Lucus, así como aos adestradores e directivos, polo seu recente título de campión por equipos no Campionato Galego, e destacou que o Club Lucus “é un referente para Lugo no mundo do atletismo e xa non só remitíndonos aos resultados e triunfos acadados nin á súa traxectoria desde 1984, senón tamén como modelo de club, xa que o seu traballo comeza afincado desde a base, o que fai máis sólido o propio proxecto deportivo e, ao mesmo tempo, dá a posibilidade de achegarse a esta práctica deportiva á poboación lucense desde as idades máis temperás. Isto concorda exactamente co que nós entendemos pola promoción do deporte e por iso desde a Área de Deporte da Deputación de Lugo fixemos, desde sempre, unha aposta clara por apoiar os clubs que seguen este modelo”.
Os membros do Club Atletismo Lucus Caixa Rural fixéronlle entrega a xeito de agradecemento ao vicepresidente dunha imaxe de equipo dos deportistas que acadaron o título galego por equipos, no que é a primeira vez que un equipo lucense se fai con este galardón.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
