Dende o PSdG-PSOE de Burela vendo a contestación que deron os representantes do PP no Concello de Burela vémonos obrigados a facer unha serie de aclaracións.
1º- Queremos aclarar que dende o PSdG-PSOE de Burela non temos absolutamente nada en contra do Sr Manuel Fernández Valle como veciño, pero que a nosa obriga como partido da oposición é a de criticar e fiscalizar aquelas irregularidades que detectemos, e poñelas en coñecemento dos veciños e veciñas de Burela para a súa corrección e para o bo funcionamento democrático do Concello como institución, onde ninguén teña máis privilexios que ninguén e que os representantes públicos do Concello cumpran coas súas obrigas igual que o resto dos veciños e veciñas xa que deben de ser un exemplo de transparencia e bo facer.
2º- Á vista da resposta dada polo Sr Barcia sobre o asunto que nos compete, queda moi claro que tíñamos razón na nosa denuncia, e a rolda de prensa que deu onte o PP aclara que a licenza do Sr Valle está caducada. O Sr Barcia fala que si hai moitas licenzas na mesma situación e si queremos que se inicien expedientes contra aqueles que teñen ás licenzas caducadas como o Sr Valle, pois nós temos que contestarlle que o alcalde de Burela ata onde nós sabemos e el, e el terá que actuar en consecuencia. De tódolos xeitos nós entendemos que o Sr Valle é un representante dos veciños e veciñas e esta condición fai que teña que ser un exemplo a seguir polo resto dos veciños e veciñas, non é un veciño normal, é algo máis ca iso.
3º- Non somos capaces de entender como o Sr Barcia se erixe no primo do Zumosol, nós non pedíamos as explicacións do Sr Barcia, haberá tempo para que o Sr Barcia de explicacións sobre outros asuntos. Neste caso as explicacións pedíanselle ó Sr Valle, e era tan sinxelo como que o Sr Valle sacara a súa licenza e lle mostrara ós veciños e veciñas que o que nós denunciamos era falso, os feitos unha vez máis dannos a razón.
4º-Recodarlle unha vez máis ó Sr Valle a súa obriga de colocar o cartel na obra onde indique todo aquilo ó que a lei lle obriga, para que todos os veciños e veciñas de Burela podan informarse sobre a situación da construción.
5º- Reiterar a nosa petición de que o Sr Valle abandoe o seu posto de Concelleiro xa que entendemos que á vista dos feitos non pode esixirlle os veciños e veciñas de Burela cumpran a legalidade vixente.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
