Lugo 20 de abril de 2013.- Novas Xeracións da provincia de Lugo centrouse esta mañá en analizar as medidas para o fomento do emprego; un evento enmarcado na campaña promovida pola agrupación política, orientada a potenciar o emprendemento como forma de impulsar o crecemento económico en Galicia.
Nun acto organizado na antiga biblioteca de Burela e no que participou OPA Galicia, os mozos populares promoveron o “espírito emprendedor” entre os máis novos da comarca ao tempo que lles explicaron aos asistentes o paquete de medidas promovido polo Goberno de Mariano Rajoy para o fomento do emprego xuvenil.
A través de ponencias e casos reais xerouse un debate no que se abordou a importancia do emprendemento e da innovación na actualidade, coa finalidade de xerar conciencia sobre isto entre os mozos e mozas.
Pola súa banda, o presidente da Organización de Profesionales e Autónomos de Galicia (OPA Galicia), Antonio Lage, encargouse de presentar a organización que preside, que conta na actualidade con 19.000 asociados no conxunto da rexión, e explicou a labor que realiza OPA Galicia así coma os servizos que presta aos emprendedores e autónomos, xa sexan nacionais ou estranxeiros.
Lage Tejerina agradeceu a NNXX do Partido Popular o feito de poder colaborar e formar parte da mesa redonda e aplaudiu as políticas que está levando a cabo o Goberno Central para mellorar a situación dos novos emprendedores españois.
Para Lage tódalas actuacións encamiñadas a facilitar a labor dos novos emprendedores “sempre serán positivas”, como a posta en marcha da Estratexia de Emprendemento e Emprego Xoven por parte do Goberno central. Asemade, considera de gran interese para o colectivo a creación da fiestra única para os novos emprendedores así como a activación de novos mecanismos de apoio á financiación.
Un acto no que participou o secretario xeral do PP lucense e de Novas Xeracións de Galicia, José Manuel Balseiro e Juan Francisco López Prieto, respectivamente; así como do rexedor da localidade, José María González Barcia e do presidente provincial de Novas Xeracións de Lugo, Daniel Vega.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
