A Mariña, 27 de abril de 2013. Rosana Pérez, deputada do Bloque Nacionalista Galego (BNG) no Congreso dos Deputados, acompañada de cargos orgánicos e institucionais da formación en Cervo, Burela, Barreiros, Foz, Ribadeo e Mondoñedo, presentou, esta mañá, unha batería de preguntas e iniciativas nas que se denuncia o estado de abandono das estradas de titularidade estatal na comarca e se insta ao Goberno do Estado ao seu arranxo así como a que remate, con urxencia, todos os tramos da A-8.
As 3 vías de titularidade estatal que articulan a comarca e serven de comunicación co interior da provincia teñen eivas que condicionan a seguridade de condutores e peóns por falla de investimentos en mantemento e sinalización.
Segundo explicou Pérez, “os usuarios e usuarias destas vías teñen que atravesar auténticas fochancas. En concreto, a estrada N642 é a única vía de comunicación existente na actualidade nos seus tramos lugueses entre San Cibrao e Barreiros onde conecta no lugar da Espiñeira coa A-8 até Ribadeo e o interior da provincia. Esta estrada de competencia estatal cruza nos seus 25,7 quilómetros numerosas travesías dos concellos de Cervo, Burela e Foz que no conxunto dos tramos debido ao cuantioso tráfico, ausencia de mantemento adecuado e falta de sinalización ten numerosos puntos negros perigosos para a circulación de vehículos e persoas”.
Os nacionalistas alertan, tamén, do mal estado da N634, considerada incluso polo ministerio de Fomento como a estada de todo Estado que máis puntos negros acumula. Esta estrada é de uso obrigado entre Mondoñedo e Abadín ao non estar rematada a A8; en calquera caso o abandono inversor para unha vía que, con ou sen alternativa, segue e seguirá sendo usada por cidadáns e transportistas que circulan diariamente entre a costa da Mariña e o interior e unha das moitas irresponsabilidades do Goberno do Partido Popular coa comarca.
A deputada nacionalista no Congreso denuncia que “a autovía A-8, no tramo A Espiñeira-Ribadeo, de pouco máis de 22 quilómetros a pesar da súa recente inauguración, xa conta cun tramo, en dirección a Ribadeo, cun punto negro que en moitos casos fai que a circulación invada innecesariamente o carril esquerdo para evitar as irregularidades e lombos da calzada, provocando situacións de perigo por alcance”.
“A problemática das estradas de titularidade estatal na comarca xa fora denunciada en repetidas ocasións sen que o tema sexa de interese para o ministerio de Fomento. Do contrario non se explica que aínda non se acometera ningunha actuación de calado para eliminar estes problemas” –concluíu Rosana Pérez.
Desde o BNG reclaman ao Goberno do Estado que remate todos os tramos da A-8 cuxa data de remate estaba prevista para 2007 e porén leva 6 anos acumulando retrasos.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
