LUGO .- O vicepresidente da Deputación, o nacionalista Antón Bao, presentou esta mañá as XVII Xornadas Pedagóxicas do Museo Provincial de Lugo, que levan por título “Os museos como aula: recursos, experiencias e propostas”. No acto de presentación que tivo lugar no Museo Provincial, no que Bao estivo acompañado pola directora do Museo, Aurelia Balseiro, e o coordinador das xornadas, Antonio Reigosa, o vicepresidente Antón Bao destacou a importancia de incidir no profesorado para que os mestres e mestras sexan quen de estabelecer estratexias didácticas coa fin de achegar ao alumnado e aos visitantes dos museos os recursos patrimoniais dos que se dispón. Todo isto, remarcou Antón Bao, “coa intención de lograr uns museos cada día máis abertos á sociedade, que é a filosofía fundamental que impregnou o traballo que se vén realizando desde o Museo Provincial, a Rede Museística da Deputación, e que se pretende potenciar desde a Área de Cultura da Deputación”.
Estas xornadas están organizadas polo Museo Provincial de Lugo, xunto cos outros museos da Rede Museística da Deputación, e o Centro de Formación e Recursos de Lugo (CFR), dependente da Consellería de Educación e Ordenación Universitaria da Xunta de Galiza. Están dirixidas ao profesorado en xeral e aos profesionais dos museos e desenvolveranse desde o martes 2 ao xoves 4 de xuño. Entre os relatores poderanse atopar profesionais con recoñecido traballo como Rufino Ferreras, responsábel de Desenvolvemento Educativo do Museo Thyssen Bornemisza ou Antonio Rial Sánchez, coordinador científico do Museo Pedagóxico Galego (MUPEGA).
Segundo o coordinador destas XVII Xornadas Pedagóxicas, Antonio Reigosa, o conxunto de actividades que se van desenvolver pretenden explorar e analizar as posibilidades didácticas dos recursos dos museos da Rede Museística da Deputación, dándolle a coñecer ao profesorado estratexias de uso para estes recursos a través do intercambio de experiencias entre os traballadores de museos e o propio profesorado.
Actividades polo Día Internacional dos Museos
Por outra banda, Aurelia Balseiro, a directora do Museo Provincial de Lugo, presentou as actividades que se van levar a cabo nos museos da Rede Museística Provincial co gallo do Día Internacional dos Museos. Estas actividades, que inclúen visitas gratuítas en autobús percorrendo os museos provinciais, espectáculos de contacontos, proxeccións de curtametraxes ou actuacións musicais, desenvolveranse os días 16, 17 e 18 de maio nos museos da Rede Museística da Deputación de Lugo.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
