DesTAPA a Igualdade é o lema que lucirán os panos de mesa dos 55 bares participantes.
O Observatorio da Mariña pola Igualdade aproveitará a VIII edición do concurso de tapas “Ribadeo de Tapeo”, que se celebrará entre o 10 e o 19 de maio, para facer unha campaña a prol da igualdade de xénero na vila.
Serán o Coco e a Coca de Ribadeo, que este ano tamén se suman á festa gastronómica do Ribadeo de Tapeo desde os 140.000 panos de mesa que se repartirán entre os 55 bares participantes, os que conviden á xente a desTAPAr a igualdade, lembrándonos que agora é o momento de apostar sen complexos polo feminismo, de rachar roles e estereotipos sexistas, de compartir os traballos do fogar ou de combater a violencia machista.
Con esta campaña a prol da igualdade de xénero o Observatorio tamén quere aproveitar para, a través do deseño dos panos de mesa que inclúen aos tradicionais Cocos de Ribadeo, explicar que o feminismo é a igualdade e non o contrario ao machismo, idea esta última moi estendida. Tal e como se explica no texto asinado polo Observatorio no libriño editado coas tapas e os bares participantes, o feminismo é a doutrina que defende a igualdade de dereitos entre homes e mulleres mentres que o machismo é a ideoloxía, comportamento ou actitude de quen defende a supremacía do macho e non acepta a igualdade de dereitos entre home e muller (definicións do Dicionario da Real Academia Galega).
Con esta iniciativa o Observatorio pretende apostar pola igualdade de xénero en todos os aspectos da vida, incluídos os momentos de ocio, e facer fincapé en que coa igualdade gañamos tod@s, mulleres e homes. É fundamental que a cidadanía tome conciencia de que a pesares de que exista unha igualdade formal, refrendada nas leis, é necesario seguir a loitar por unha igualdade real, por unha sociedade máis xusta e igualitaria na que homes e mulleres teñan os mesmos dereitos e deberes. É por iso que os panos de mesa deste ano do Ribadeo de Tapeo invitarán á xente a desTAPAR a igualdade, facela visible, compartila e gozala.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
