Celebrarase entre o 24 e o 26, incluíndo unhas xornadas técnicas dirixidas a profesionais da construcción.
A feira Hogar Lugo, dedicada á vivenda, reforma, moble e decoración, volverá este ano a celebrarse no Pazo de Feiras e Congresos da cidade, concretamente entre os días 24 e 26 de maio.
A feira Hogar Lugo, que alcanza xa a súa terceira edición, contará cun espazo de exposición de 4.000 metros cadrados, correspondentes a máis de 30 expositores. Como en edicións anteriores, aportará as últimas novidades en moble, descanso, decoración, baño, gres, estufas, chimeneas, cociñas, tarimas, piscinas e maquinaria para xardinería, entre otras.
Outro dos eixos principais da feira será unha gran oferta inmobiliaria con prezos especiais, tanto de vivenda nova coma de segunda man. Conterán ofertas da cidade de Lugo, a súa provincia e da costa coruñesa.
Ademais da exposición de novidades, a feira contará, na xornada matinal do día 24, cunhas xornadas técnicas organizadas pola Asociación de Promotores de Lugo. Nelas, debaterase sobre a nova Lei de Rehabilitación, Rexeneración e Renovación Urbana. Por outra parte, tamén se impartirá unha charla co título “Os mecanismos de defensa ante a crise empresarial”.
Estas xornadas están dirixidas a todas as persoas relacionadas coa industria da construcción: arquitectos, aparelladores, construtores, instaladores, administradores de fincas, etc…
A feira abrirá de 11.00 a 20:30 horas os tres días en horario continuado.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
