En 2009, Pascual, atendendo aos seus intereses empresariais, desfacíase da planta de envasado de leite en Outeiro de Rei. Un importante número de cooperativas galegas, algunha delas xa con experiencia na comercialización, mostrou o seu interese en facerse coa fábrica e, aínda que parecía a oferta máis viable, non foi a opción que finalmente callou. “Despois do veto por parte da Xunta de Galiza á maioría destas cooperativas, constituíase a empresa Alimentos Lácteos dacordo cos intereses partidistas do Partido Popular, onde o poder de decisión quedaba baixo dúas cooperativas Gancobre e A Arzuana, dirixidas por persoas directamente vinculadas ao propio PP”, recordan dende a Federación Rural Galega.
Despois de tres anos e medio de vida, este proxecto “deixa tras de si unha serie de sospeitas: a empresa ten presentado o preconcurso de acredores recoñecendo perdas de
15 millóns de euros, despois de ter fundido 9 millóns de axudas públicas sen que a propia Xunta, responsable como é de fiscalizar as subvencións que asigna, nin sequera teña esixido unha simple auditoría para coñecer a súa situación económica”, segundo apuntan dende a FRUGA.
Así mesmo, dende a organización sindical teñen en conta que “esta situación tamén afecta ao sector produtor; xa que, por unha banda, Alimentos Lácteos estableceu unha estratexia de posicionamento no mercado baseada na oferta de prezos baixos á distribución, o que supuxo primeiramente unha baixada de prezo do leite aos/ás seus/súas subministradores/as e por extensión, posteriormente, axudou á baixada que se produciu no conxunto do sector produtor. E, por outra banda, a propia empresa contraía débedas con preto de 1000 produtores/as que entregaban o leite ás cooperativas que forman parte de Alimentos Lácteos”.
Desde FRUGA veñen demandando desde hai ben tempo responsabilidades políticas, e penais se as houbera, así como solucións para garantir o mantemento da actividade na planta de Outeiro de Rei. E, do mesmo xeito, tamén esixen que se salden as débedas adquiridas cos/as produtores/as.
“A Xunta debe actuar de inmediato, non queda máis marxe de tempo, restan semanas para que se tome unha determinación: ou ben Alimentos Lácteos presenta un plan de viabilidade ou ben entra en concurso de acredores”, recordan dende a FRUGA. “As decisións que a Administración Galega tome deben ir encamiñadas cara unha necesidade á que Galiza non debe renunciar: a creación do Grupo Lácteo Galego”, suxiren.
Ademais, engaden que a Xunta debe garantir a continuidade da planta, fomentando un plan de viabilidade onde, de establecerse reducións nos custos de produción, non sexan en base a unha baixada de prezos ao sector produtor, é dicir, garantindo que non se cometan abusos a un sector xa de por si castigado.
En lugar diso, denuncian dende a FRUGA que “Núñez Feijoo está desaparecido. Aínda que puidera ser mellor así, visto o que aconteceu co naval galego, no que pasou de ser o seu salvador cuns supostos contratos que ían levantar o sector, pasou a directamente a desmantelalo. Esperemos que non volva facer das mesmas e que pretenda desarmar o sector leiteiro galego para que pasemos a consumir leite en po mexicano”, advirten.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
