A Xunta de Galicia felicitou onte o Burela FS Pescados Rubén polo título conquistado na máxima categoría do fútbol sala feminino en España. O presidente autonómico, Alberto Núñez Feijoo, exerceu de anfitrión na recepción que a Xunta lle brindou ao equipo da Mariña no Pazo de Raxoi. Xunto ás xogadoras e corpo técnico, estiveron o presidente, José Ramón González Casas; o vicepresidente, Manuel Blanco; o director xeral, José Luis Sáez; os directivos Marcelino Luna e Antonio Ródenas e o director deportivo, Marcelo Santoro. Da expedición burelista tamén formaron parte os fundadores de Pescados Rubén, Rubén Blanco e Cesarina Fanego, patrocinador principal do club. As xogadoras máis novas, Paula e Silvia, non puideron asistir por motivos académicos.
O acto tamén contou coa presenza do secretario xeral para o Deporte, José Ramón Lete Lasa; o presidente da Federación Galega de Fútbol, José García Liñares; o xefe do Servizo Provincial de Deportes en Lugo, Manuel Otero; e o alcalde de Burela, José María González Barcia.
Radio Marca
Tras a visita á cidade compostelá, Javier Pardeiro trasladouse a Vilagarcía de Arousa para participar no programa radiofónico de deportes ‘El Intermedio’, de Radio Marca. O adestrador laranxa compartiu micrófono co subdirector do xornal Marca, Juan Ignacio Gallardo; o director de Radio Marca, Francisco García Caridad, e os xornalistas David Sánchez, Raúl Santamaría, Alberto García e Roberto Gómez.
Pardeiro reflexionou sobre a situación de deporte feminino e súa evolución en presenza e repercusión nos últimos anos, recordou os momentos máis emocionantes do último partido de liga, que lle concedeu ao Burela FS Pescados Rubén a liga de Primeira RFEF e tivo unhas palabras moi especiais de agradecemento tanto para a firme aposta de Pescados Rubén, como patrocinador do proxecto burelista, coma para o apoio da numerosa afección de Vista Alegre que vive con entusiasmo o fútbol sala.
‘El Intermedio’, que habitualmente se realiza en Madrid, emitiuse onte dende o salón de plenos de Vilagarcía con motivo da presentación do XVIII Arousa Fútbol 7, con entrevistas ao alcalde, Tomás Fole, e a concelleira de Deportes, Elena Suárez. Tamén participaron no programa o secretario xeral para o Deportes, José Ramón Lete, e o presidente da Deputación de Pontevedra, Rafael Louzán.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
