Santiago de Compostela, 22 de maio de 13. O portavoz de Pesca do Grupo Socialista, José Ramón Val, advertiu hoxe que a “lentitude” e o “despiste” do goberno fronte ás negociacións do acordo da UE con Mauritania suporá de facto o “desmantelamento da flota cefalopodeira galega”. Val presentou unha proposición non de Lei na Comisión de Pesca para que Xunta, Goberno e Mauritania negocien un novo acordo, rexeitada polo PP.
O parlamentario socialista dixo que “temos que solucionar este problema entre as partes interesadas” xa que “si non lles preocupa, a Comisión Europea o ten bastante claro” xa que sen as licencias dos cefalopodeiros se aforra 16 millóns de euros. Por isto reclamoulle ao goberno galego “poñer toda a carne no asador” para salvar aos 23 buques de armadores galegos e con tripulantes galegos afectados polo acordo.
Lembrou que esta proposta parte do propio sector, que nun encontro cos parlamentarios galegos “deixaron claro que esta situación se solucionaba a través dun acordo entre partes interesadas”. Lamentou que malia as demandas dos afectados, que “non eran moi elevadas”, a Xunta “non fai nada” e criticou que “Feijóo vai a México pero non vai a Mauritania porque non teñen interese en arranxar o problema”.
Criticou que o PP incluíra na orde do día da Comisión de hoxe unha proposición non de Lei sobre a flota cefalopodeira “para salvarse a cara e salvarlle a cara ao goberno diante da opinión pública”. Puntualizou que a iniciativa deste partido “non ten prezo” ao demandar ao goberno “a continuidade do apoio para a revisión do protocolo”, o que “en realidade é o mesmo que non dicir nada”.
Instou a este grupo a retirar dita iniciativa para apoiar a presentada polo Grupo Socialista que atende ás demandas do sector e insta á Xunta a propiciar un encontro entre os gobernos central e autonómico co executivo mauritano “co fin de achegar posturas e acadar un punto de encontro que permita á flota cefalopodeira volver estar presente no caladoiro mauritano”.
Acordo
Criticou que o “despiste” do Executivo do PP nas negociacións supuxo a sinatura dun acordo lesivo para os 23 buques galegos, que “deixa fora aos barcos cefalopodeiros, supón para a flota da pescada pagar moito mais pola mesma capacidade pesqueira ou multiplicar por catro o prezo das licencias de pesca.
Ademais, o acordo continúa coa redución da área de pesca en mais dun 40 por cento, incrementa as tripulacións nativas ata o 60 por cento, obriga facer tódolos desembarcos de mercadorías nos portos mauritanos e entregarlle o 2 por cento ao reino alauí.
Val reclamoulle ao PP que mude a súa postura en contra desta iniciativa, que xa demostraron ao rexeitar no Pleno do Parlamento unha moción socialista para reclamar que o Goberno “fixese o que tiña que facer, poñer en marcha todas as medidas encamiñadas a incluír neste acordo á nosa flota”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
