Fais uns días o xogador do Club de Bolos Xove Alejandro Meitín Serantes proclamouse gañador do Campionato Galego Intermodal disputado entre os 20 mellores xogadores da provincia de Lugo e os 20 mellores do resto de Galicia (maioritariamente xogadores desprazados dende O Val Miñor e de Ourense).
Alejandro Meitín, de 19 anos, xa ten no seu haber un Campionato de España Xuvenil ó que agora suma este campionato, un dos máis complicados debido á necesidade de disputar cinco modalidades distintas de bolos con distintos bolos, distintas bolas e distintas distancias, que se celebrou, simultaneamente, nos concellos chairegos da Pastoriza e Castro de Rei.
Meitín estivo acompañado no podio por Luís Rancaño 2º, do Club de Bolos Cruceiro de Meilán, e de Ginés Rodríguez 3º, do club de Bolos Xove. As xogadoras do Club de Bolos Xove, Dolores Baño e Belén Meitín, conseguiron a 2ª e 3ª praza na categoría feminina.
Billarda
Ginés Rodríguez e Andrés Rodríguez, do Club de Bolos de Xove, aínda que neste caso formando parte da Asociación Furabolos de Sigüeiro (A Coruña) e xunto con Iván, Toño, César e Raquel, acadaron esta fin de semana un gran éxito no deporte popular da billarda ó acadar o título de campións de Galicia por equipos do ano 2013.
Obtiveron a vitoria ó gañar por un só punto ao equipo dos Billardeiros Musicais de Ribadeo, no campionato celebrado a pasada fin de semana en Marrozos (Santiago). Así mesmo, Ginés Rodríguez acadou os títulos de campión de Varados e subcampión na clasificación absoluta.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
