NN. XX. denuncia que Gómez Besteiro “lle vire as costas aos mozos lucenses”

Lugo, 28 de maio 2013.- O presidente provincial de Novas Xeracións da Provincia de Lugo, Daniel Vega, rexeita a actitude posta de manifesto esta mañá polo equipo de goberno da Deputación Provincial de Lugo, ao votar en contra dunha moción do Grupo Provincial do Partido Popular, que reivindica a colaboración do ente lucense cos mozos da provincia.

Daniel Vega tacha de “lamentable” que o presidente da Deputación Provincial de Lugo, José Ramón Gómez Besteiro, lle dea as costas desta forma aos mozos que “reivindicamos a creación de postos de traballo e o fomento do emprego xuvenil e máis cando ten fondos para facelo”.

O mozo popular asegura que o voto en contra do equipo de goberno desacredita a un presidente que afirma que “creación de emprego é a prioridade número un da súa axenda”, mentres que a hora da verdade “fai oídos sordos as nosas peticións e alega non ter competencias, cando ten unha área na que se inclúe a xuventude e que carece de contido”.

En relación aos representantes socialista e nacionalista que manifestaron o posicionamento do seu grupo; Vega afirma que no salón de plenos da Deputación Provincial de Lugo, “atopámonos cun vicepresidente ao que non lle importan os mozos, sendo un exemplo de mala xestión e de despilfarro partidista”, mentres que cualificou ao voceiro socialista de “representante dun partido que deixou aos mozos na situación actual que estamos a vivir”.

O presidente provincial lamenta non “atopar na Deputación Provincial de Lugo a unha institución colaboración dos nosas demandas e reivindicamos de novo que a Deputación se implique e colabore coa xuventude, tal e como o está a facer o Goberno Central e a Xunta de Galicia”.

Daniel Vega solicita do goberno provincial “un respaldo aos mozos, que nos sentimos desamparados polo bipartito no ente lucense”, ao tempo que manifesta o seu agradecemento as políticas para o fomento do emprego postas de manifesto polo Mariano Rajoy e Alberto Núñez Feijóo.