Mondoñedo, 31 de maio de 2013- O Partido Popular de Mondoñedo alerta de certas accións acometidas baixa a responsabilidade do equipo de goberno do Concello de Mondoñedo e que repercuten negativamente nas arcas municipais, ademais de entrañar certa perigosidade.
Os populares verteron estas declaracións en relación á sanción interposta pola Xefatura Provincial de Tráfico, con data 27 de febreiro de 2013, contra o Concello de Mondoñedo por circular cun vehículo cuxos pneumáticos non presentan debuxo nas ranuras principais da banda de rodamento.
O PP de Mondoñedo lamenta que este proceder lle supuxera aos veciños da localidade unha sanción de 200 euros, ademais de alertar da temeridade e da inseguridade que supoñen este tipo de accións. Explican os populares que o desgoberno e pouco control no día a día, por parte do equipo de goberno, deriva nestas irresponsabilidades
Asemade, dende o PP esíxenlle ao rexedor local que explique de maneira detallada o destino dos 4.700 euros facturados en concepto de subministro de rodas en agosto do ano 2012, aínda que recoñecen que a factura non detallaba que rodas se mercaran e os populares ignoran o destino
Os populares denunciaran no seu momento, a compra de rodas en talleres de fora do municipio, sen solicitar previamente orzamento nos negocios municipais. Unha actitude que os populares tachaban de “lamentable” e recordábanlle a Orlando González que a economía local precisa axuda e polo tanto, os negocios do municipio, “deben ter como mínimo a oportunidade de ofertar os seus produtos”.
Agora, ademais de mostrar “despreocupación” pola economía local e non procurar contratos no municipio, o rexedor local provócalle ao Concello “gastos que deben asumir todos os mindonienses e que poderían ser perfectamente evitables”.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
