As persoas interesadas en asistir esta fin de semana ó Congreso de Cultura Dixital e Redes Sociais #INLUGO aínda poden reservar nas páxinas web www.deputacionlugo.org ou www.inlugo.com as últimas prazas do segundo aforo habilitado pola Deputación para participar no evento. Tras cubrirse nun tempo récord de 6 horas a capacidade do Salón de Actos –preto de 200 persoas-, o organismo provincial decidiu dispoñer o Salón de Plenos para que poidan asistir ás xornadas o maior número posible de interesados. Para a participación, totalmente gratuíta, respectarase rigorosamente a orde de entrada das solicitudes.
O #INLUGO reunirá por primeira vez en Galicia os vindeiros venres, día 7, e sábado, día 8 de xuño, a máis de 30 recoñecidos profesionais de sectores como o xornalismo, turismo, tecnoloxía, emprego, marketing on line ou acción social, cuxos blogs e redes sociais contan con miles de seguidores. En varias conferencias e debates abordarán os cambios nos hábitos, mentalidades, formas de comunicación e estilos de vida que provoca Internet.
Tamén están acaparando a atención os Premios #INLUGO, para os que xa presentaron as súas candidaturas unha trintena de aspirantes. Con esta iniciativa, a Deputación quere recoñecer as persoas, proxectos, organizacións ou empresas da provincia que están a destacar polo bo emprego de Internet e as novas tecnoloxías en ámbitos como o comercio, ocio e restauración; educación e formación; deporte e saúde; cultura ou tecnoloxía. Os interesados tamén poden seguir presentando as súas candidaturas en www.deputacionlugo.org e www.inlugo.com. Os gañadores recibirán un trofeo e dispositivos tecnolóxicos de última xeración cedidos por Telefónica.
Aposta pola economía do coñecemento
#INLUGO está cofinanciado nun 80% pola Unión Europea, e conta para a súa organización co apoio de InterQué, entidade integrada por profesionais cunha ampla traxectoria das Novas Tecnoloxías da Información, responsables do desenvolvemento de proxectos de éxito como Bitacoras.com, a maior rede social blogger do mundo hispano, con máis de 350.000 usuarios rexistrados e máis de 1 millóns de blogs indexados; ou Laburo, o 1º metabuscador hispano de emprego.
Baixo o eslogan “Internet cerca de ti”, #INLUGO será encontro de referencia en Galicia, reunindo por primeira vez a profesionais coma Mario Tascón, gurú dos medios dixitais e tweetgrafólogo; Pilar Portero, activista do xornalismo 2.0; Alfonso Alcántara, referente no emprego e coaching 2.0; Wicho, creador do blog máis popular en España; Francisco Polo, o ciberactivista de referencia con change.org; Clara Grima, a profesora blogueira das matemáticas; Victoriano Izquierdo, recoñecido fotoblogger con Pixel Fugaz; ou Gonzalo Moreno, Minube, a Comudade de Viaxeiros, entre outros recoñecidos profesionais.
Boa acollida dos cursos de marketing dixital
Por outra banda, e mostra da gran acollida que teñen entre os lucenses as iniciativas da Deputación relacionadas coas novas tecnoloxías e a economía do coñecemento, as 75 prazas dispoñibles para os dous seminarios sobre marketing dixital organizados polo organismo provincial a través do Centro de Innovación Social In Lugo esgotáronse en tan so dous días. Trátase dun curso on line con 50 prazas dirixido a profesionais, que terá lugar entre o vindeiro 10 de xuño e o 30 de agosto, e outro semipresencial con 25 prazas para lucenses no paro, que se celebrará entre os días 2 de setembro e 8 de outubro. Neste último caso, as clases presenciais terán lugar na sede do Centro de Innovación Social, no mesmo edificio da Escola de Imaxe e Son (EIS), situado na rúa Frei Prácido Rei Lemos.
Trátase de 2 seminarios de nivel de iniciación con 150 horas lectivas cada un, que levan por título Marketing de contidos dixitais na era das TIC e están financiados nun 80% pola Unión Europea a través do programa Innova-TE. O Centro de Innovación Social proporcionaralles o material didáctico necesario ós alumnos, que contarán con titorización e axuda durante todo o curso.
As ferramentas e estratexias de marketing dixital que se amosarán nos cursos teñen dous obxectivos fundamentais: por un lado, mellorar a competitividade das empresas, ampliar mercados, fidelizar clientes e aforrar custes, o que contribúe a aumentar o volume de beneficios; e por outro, sacarlles o máximo partido para mellorar o currículo e as posibilidades de inserción laboral. Algúns dos contidos do temario son as campañas on line, blogs e microblogs, a importancia da fidelización on line, a marca no marketing dixital, a eficacia da creatividade fronte á crise, novas estratexias creativas na rede ou a web como tenda 24 horas. Ademais de contidos teóricos, os asistentes coñecerán experiencias reais de éxito, e como elaborar e poñer en marcha un plan de marketing dixital.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
