Santiago, 5 de xuño de 2013.- O portavoz de Mar do Grupo Popular, José Manuel Balseiro, subliño hoxe no Parlamento a colaboración existente entre a Xunta de Galicia e o Consello Regulador na promoción do mexillón galego e informou que se está a traballar nunha nova campaña de difusión deste produto para os vindeiros dous anos.
Balseiro manifestou que as 3.300 bateas de mexillón existentes en Galicia “convértena en potencia mundial neste produto marisqueiro, que conta cun sistema que blinda a calidade sanitaria dos seus produtos a través do Intecmar”.
PROMOCIÓN
“Non ten sentido algún a solicitude realizada polos socialistas galegos para que se leven a cabo accións de promoción do mexillón galego, porque é algo que xa existe e o único que están demostrando é que descoñecen o sector”, sinalou Balseiro. Neste sentido, explicou que “xa existe neste momento unha campaña entre o Consello Regulador do Mexillón e a Xunta de Galicia e neste intre estanse elaborando os pregos para unha nova campaña de promoción deste produto que se desenvolverá durante os dous vindeiros anos”.
Respecto á polémica creada en Francia co mexillón galego, Balseiro indicou que “a alerta durou dous días, tivo pouca repercusión mediática e quedou aclarado que foi motivado por un problema na depuradora ou no restaurante francés”. “Quedou claro que calquera problema do que se falaba neste asunto era alleo a Galicia”, apuntou.
Neste sentido, o portavoz popular criticou “o papel desafortunado realizado polo Partido Socialista” nesta polémica, en concreto o “papel desleal dunha ex conselleira que buscou alarmar ao sector e ao consumidor, causando prexuízos a este importante sector marisqueiro galego”.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
