Foz, 12 de xuño de 2013.- O BNG de Foz acusa ao Grupo de Goberno Municipal do PP de incumprir sistematicamente e case por completo o Plan de Saneamento aprobado pola Corporación Municipal o 5 de xuño de 2009.
A raíz do último informe de Intervención sobre a avaliación do cumprimento anual do Plan de Saneamento aprobado en pleno o 5 de xuño de 2009, podemos concluír que como di o propio informe que poucas das medidas incluídas no mesmo foron postas en práctica durante o exercicio 2012 polo Goberno Municipal.
Nas medidas adoptadas en canto aos ingresos non se cumpriron as relativas ás taxas por ocupación ou aproveitamento do dominio público. Por exemplo, segue aínda sobre a mesa desde o 2010 pendente un informe de valoración da ordenanza da taxa por publicidade en terreos de dominio público que seguen a ser ocupados sen pagamento algún, nin se cambiaron os procedementos de ocupación e seguimento das ocupacións con materiais de construción, aproveitamento do solo e subsolo, etc. Tampouco se adoptaron entre outras medidas a verificación dos orzamentos reais das obras particulares no momento do seu remate ou un desenvolvemento do procedemento de recadación en vía de constrinximento ata as súas últimas fases en caso de non pagamento dos impostos.
No tocante aos gastos, non se cumpriu co límite de gasto en ben correntes e servizos estipulado nun 6,50%. Non só iso senón que o aumento do gasto foi dun 16,04% nestes catro anos, máis do dobre do aprobado. Non se rematou co plan de aforro enerxético no que afecta ás dependencias municipais, nin se realizou unha auditoría do parque móbil municipal tratando de evitar o número tan elevado de avarías que ten, non se estableceron contratos globais para o mantemento externo que abarate custes e prezos, nin tampouco, como ten proposto en varias ocasións o BNG, se estableceu unha vinculación xurídica dos créditos a niveis máis restritivos que no orzamento actual para lograr un maior control de gasto.
Para o BNG estes informes revelan a falta de compromiso e vontade do grupo de goberno do PP para xestionar ben o Concello que non é outra cousa que xestionar mellor os cartos de todos e todas as veciñas de Foz. Pola contra, a súa ineficiente xestión levou ao Concello a unha situación límite onde o remanente de tesourería xa é negativo por primeira vez en moitos anos na cantidade de -136.982,93 euros, o que comportará este ano a prohibición de realizar novos investimentos financiados con endebedamento, sexan estes materiais, inmateriais ou financeiros, directos ou indirectos a través das subvencións concedidas a entidades dependentes.
O BNG de Foz denuncia a actitude pouco crible e coherente do Sr. Alcalde cando se laia de non ter aprobado por parte do Pleno do Concello o Plan de Axuste do Goberno do Estado pois se non é capaz de cumprir co Plan de Saneamento que xa tiñamos no Concello e que introducía medidas similares, como ía ser capaz de cumprir con aquel.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
