Cubertas a metade das prazas da Escola de Minitalentos da Academia A Mariña

Burela, 12 de xuño de 2013. Cubertas a metade das prazas da Escola de Minitalentos da Academia A Mariña. A matrícula seguirá aberta ata o 30 de xuño.

A directora deste proxecto, Raquel Hermida, explica que “Academia A Mariña dende que iniciou a súa andadura durante os meses de verán dedicouse a impartir clases de reforzo de diversas asignaturas: mecanografía, informática, inglés, entre outras; pero non sempre cun horario demasiado continuado. Os pais pedíronnos que organizásemos as actividades de forma que eles puidesen conciliar a vida familiar coa laboral”. E engade que “a Escola de Minitalentos tamén xurde como unha necesidade de potenciar o talento infantil, xa que dende pequeniños nos apuntan a clases particulares para reforzar as asignaturas nas que vamos peor e olvídanse de anotarnos en algo que se nos da ben e que poden servir para desenvolver e potenciar esas capacidades internas que axudan ó crecemento infantil. Por exemplo, se se che dan ben as matemáticas apuntarte a exercicios de lóxica, o debuxo a clases de carboncillo ou óleo, no caso da música a guitarra, percusión ou piano”.

Raquel Hermida destaca que “o que queremos con esta escola é potenciar sobre todo a creatividade, a imaxinación e o talento infantil”.

A Escola de Minitalentos da Academia A Mariña está dirixida a nenas e nenos de 3 a 13 anos, que estarán divididos en grupos: un de 3 a 7 anos e outro de 8 a 13 anos. O equipo docente está composto por cinco profesionais, entre eles, unha pedagoga, unha filóloga, unha profesora de primaria, un técnico en educación infantil e unha animadora sociocultural, que xa desenvolveron unha programación semanal, podendo anotar ós nenos por semanas. O horario será de 9 a 14 horas, “sempre adaptándonos ás necesidades das familias”. A directora indica que “de 9 a 10:30 da mañana faríamos actividades de reforzo: matemáticas, inglés… De 10:30 a 11:30 será un tempo para dedicarlles ás novas tecnoloxías. Logo realizaremos un descanso no patio cerrado onde potenciaríamos os xogos tradicionais de sempre: corro, corda, goma, brilé, todo o que facíamos antes. E xa de 12 a 14 horas traballaríamos cos programas de intelixencia comunicativa, emocional, musicalidade e expresión corporal”.

Todos os pais que precisen máis información sobre a Escola de Minitalentos da Academia A Mariña poden solicitala chamando por teléfono ó 982 58 25 08 oo enviando un correo electrónico a raquel@amarina.org.