Lugo 14 de xuño de 2013.- Acompañada polo rexedor de Burela, José María González Barcia e polo presidente do PP de Ribadeo, Jesús López Penabad, a voceira do GPP na Deputación de Lugo, Elena Candia, ofreceu esta tarde unha rolda de prensa onde instou ao presidente da Deputación de Lugo a que explique, de maneira inmediata, posto que estamos ante unha situación urxente, cales son os pasos que vai a dar para que as pezas da colección de Álvaro Gil continúen expostas no Museo Provincial de Lugo.
“O señor Gómez Besteiro, como máximo responsable da Deputación de Lugo e do conseguinte Museo Provincial, ten que explicar cales son as xestións que vai emprender para que estas relevantes pezas continúen na nosa provincia”- manifestou a popular, quen engadíu que tanto Besteiro coma os seus socios de goberno, teñen que levar a cabo os trámites necesarios, de maneira urxente, para que estes símbolos continúen en Lugo.
Manifestou Elena Candia que o seu partido apoiará tódalas xestións pendentes para manter o legado cultural da provincia, e tendo en conta ese apoio popular, o Señor Besteiro ten que contar coa súa formación política.
Neste senso, a popular afirmou que o goberno provincial non pode permitir que o legado cultural de Lugo esté oculto ao conxunto da cidadanía polo que Gómez Besteiro ten que explicar o qué se falou cos herdeiros de Álvaro Gil nas xuntanzas mantidas.
Criticou Elena Candia que o Equipo de Goberno non esté documentado nin informado e instou a Besteiro a qué explique o que falou a Deputación cos herdeiros de Álvaro Gil nas xuntanzas mantidas.
A popular lembrou que malia que a colección destas pezas é algo herdado, “o bipartito é agora o responsable de que estes símbolos” queden en Lugo e afirmou que tiveron seis anos para arranxar o problema.
Candia mostrou tamén a súa preocupación polo pago das costas xudiciais xa que de ser así, suporía un alto custo para os lucense posto que repercutiría no seu peto.
ENTRE AS PEZAS, DOUS SÍMBOLOS: TORQUES DE BURELA E CARNERO ALADO DE RIBADEO
O alcalde de Burela, José María González Barcia e o presidente do PP de Ribadeo, Jesús López Penabad, destacaron a importancia e o valor das pezas procedentes dos seus concellos, coma o Torques e o Carnero Alado, respectivamente, e manifestaron que a Deputación ten que facer todos os trámites necesarios para que estas pezas continúen na provincia.
Foi o alcalde de Burela, José María González Barcia, quen destacou a importancia do Torques burelés, localizado no ano 1950, e do cal dixo ser “o máis grande de Galicia” e asegurou que esta peza “compón o legado algo máis de medio centear de elementos de orfebrería castrexa”.
Tamén o presidente dos populares en Ribadeo, Jesús López Penabad, resaltou o Carnero Alado, localizado no concello ribadense e cedido por Álvaro Gil no ano 1976.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
