O alcalde de Mondoñedo, Orlando González, ten que asumir as súas responsabilidades que pasan por gobernar o Concello, velando polos intereses dos veciños, atendendo as súas demandas e traballando para darlles unha resposta frutífera.
Nos últimos catro meses, os populares descubrimos que o nacionalista, xunto co seu equipo de goberno, cometeron catro actuacións irregulares que nos vimos obrigados a denunciar, ao tratarse de feitos que conlevan procesos sancionadores, dos cales dous xa están confirmados. E máis, o propio alcalde e o seu equipo chegaron inclusive a recoñecer algunha destas irresponsabilidades en pleno.
Orlando González é o responsable directo de que os mindonienses paguen sancións da Axencia Tributaria por non ingresar as retencións a conta do IRPF das nóminas dos traballadores durante o exercicio 2010 ou da Xefatura Provincial de Tráfico por circular cun vehículo cuxos neumáticos non presentan debuxo nas ranuras principais da banda de rodamento.
Esta última, se cabe, é máis sorprendente, ao existir unha factura previa á sanción en concepto de subministro de rodas por importe de 4.700 euros, que os populares criticamos por corresponder a un taller de fóra da localidade, sen pedir previamente orzamento nos negocios municipais. Trátase dun exemplo máis da falta de implicación e compromiso de Orlando González coa economía de Mondoñedo e polo que tampouco pediron desculpas nin dende o PSOE, nin dende o BNG locais.
A maiores, o seu descontrol do goberno está a provocar que as obras do Vilar non conten coa correspondente autorización urbanística, ao igual que o Centro da Interpretación da Cova do Rei Cintolo, que non ten a oportuna autorización autonómica, a pesar de que as obras xa están comezadas.
Mentres estamos a tentar cumprir coa nosa labor fiscalizadora do goberno, os populares, dende o lugar que ocupamos, estamos a traballar para lograr a posición que Mondoñedo tivo. Estanse a fomentar actividades e proxectos, en colaboración cos hostaleiros e comerciantes locais para avivar a economía municipal a través do turismo. E abrimos as mans para un traballo conxunto co bipartito local, co único obxecto de unificar forzas e recursos nun fin común: a dinamización de Mondoñedo.
Por iso, ao igual que o estamos a tentar facer nosoutros dende o posto que temos, esixímoslle a Orlando González que goberne e que solucione os problemas do presente, que son a súa responsabilidade, sen escudarse no pasado.
Os erros do pasado nunca son a desculpa de accións futuras irregulares. Ao contrario. Estes erros anteriores –de existir- deben servir para aprender e non volvelos a cometer. Así, perder o tempo en actuacións do pasado non escusa de dar explicacións e asumir as responsabilidades do presente.
Por iso, pedímoslle a Orlando González que materialice o seu proxecto, se o ten, e que goberne.
Elena Candia, voceira do PP local de Mondoñedo
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
