Mondoñedo, 22 de xuño de 2013- Os populares locais agradecen a iniciativa presentada polo Grupo Parlamentario Popular na que instan á Xunta de Galicia a poñer en marcha liñas de cooperación cos concellos declarados de interese turístico, como é o caso de Mondoñedo, para levar a cabo accións de atención e información aos visitantes na tempada estival.
Neste senso, os populares felicítanse por un proposta na que se demanda a colaboración da Xunta para a contratación do persoal nas oficinas de turismo durante os meses de verán, e que redundará no mantemento da calidade do servizo ofrecido pola oficina de turismo local, así como na potenciación da imaxe turística de Mondoñedo.
A voceira popular, Elena Candia, lembra que Mondoñedo ten acadado esta distinción segundo se recolle no D.O.G. do 3 de xaneiro de 2000, o que implica unha manifestación firme do compromiso do Concello coa potenciación do sector turístico e que se debe seguir mantendo dende a administración local.
Neste senso, Candia lembra que o seu grupo municipal xa trasladou unha iniciativa a pleno local, aprobada por unanimidade, e na que de igual maneira, solicitaban o fortalecemento da oficina de turismo, trasladando así as conclusións ás que chegaran na mesa celebrada en abril para o fomento do turismo local.
O Partido Popular, en colaboración con hostaleiros e empresarios locais, está a promover proxectos e iniciativas que permitan aproveitar o potencial turístico que ofrece Mondoñedo, e cuxos requisitos históricos, monumentais, paisaxísticos e naturais lle permitiron ter acadado a distinción de interese turístico.
A dinamización do turismo é a principal liña de traballo seguida polos populares locais, feito polo que agradecen calquera iniciativa presentada a nivel autonómico que procure liñas de cooperación con concellos en aras de manter unha boa calidade do servizo aos visitantes en datas de maior demanda.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
