O PSdeG provincial de Lugo insiste na súa denuncia de que o obxectivo da Xunta é “modificar o mapa de centros da provincia pola porta de atrás”. Díxoo en casos como a eliminación de ESO e BAC do IES As Mercedes, e agora insiste na “gravidade deste problema” co anuncio dun novo peche, o da escola unitaria CEIP de Ribeira de Piquín. “O goberno galego sempre actúa ao seu estilo, de novo de xeito covarde, sen información nin consenso coa comunidade educativa e cun anuncio fóra da época escolar que colle aos pais e mestres por sorpresa”, lamenta o secretario provincial de Educación, Carlos Ferreiro.
O socialista apunta ademáis ao “enésimo ataque do PP ao rural, feito desde un despacho e pensando só coa calculadora, sen molestarse sequera en coñecer a realidade concreta de cada zona”, nun “camiño ideolóxico de desmantelamento de servizos públicos na periferia, privatización, centralización e nula sensibilidade por un problema tan serio como o despoboamento”.
Reducción drástica do profesorado
Os socialistas volven esixirlle á Xunta que explique cal é o seu plan para o mapa escolar provincial, e reiteran o seu ofrecemento a negociar un novo mapa con consenso. Ademais, piden que o goberno autonómico explique cales son as súas previsións reais de reducción de profesorado, xa que esperan un recorte “drástico” se o goberno autonómico segue a reducir a taxa de reposición das xubilacións e non convoca prazas. “As prazas ofertadas non garanten a cobertura das xubilacións, e pouco a pouco o PP vai desmantelando e deteriorando a calidade da ensinanza pública”, censura Ferreiro.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
