O restaurante San Miguel abre a súa tasca con terraza de verán

O restaurante San Miguel, de Ribadeo, situado xunto á ría e o porto deportivo, abre mañá, sábado 29 de xuño a súa tasca con terraza de verán na que se ofrecerán mariscadas, arroz negro con calamares da ría, arroz caldoso con bogavante e nécoras, así coma gran variedade de racións: raxo, segredo de porco ibérico, entrecot de boi, sardiñas á prancha, salpicón de centola e boi de mar, chipiróns, croquetas de xamón ibérico, navallas á prancha, ameixas á tixola, polbo á feira, etc. E, no comedor principal, estréase a nova carta de temporada cos mellores mariscos, pescados e carnes da zona elaborados en diferentes preparacións e cunha ampla variedade de sobremesas caseiras, bodega de viños e licores. O xerente e cociñeiro do restaurante San Miguel, José Ramón Rodríguez, agarda que “o bo tempo comece a acompañarnos por fin este verán para que os nosos clientes podan disfrutar da terraza”.