Ribadeo, 2 de xullo de 2013. Dende primeiros deste mes de xullo o Concello de Ribadeo repite iniciativas e pon ao servizo dos seus cidadáns e visitantes o bus praia, cun itinerario que percorre as praias ribadenses dos Castros-Illas, Esteiro e As Catedrais, e o bus turístico, que visita os lugares máis representativos e emblemáticos do Concello.
O bus praia, iniciativa do Concello e da empresa Eocar, leva en marcha xa varios veráns e, como explica a concelleira de Turismo de Ribadeo, Ana Martínez, “este repite grazas á súa boa acollida tanto por parte dos usuarios propiamente ditos das praias como pola xente que emprega este medio para achegarse a visitar As Catedrais. Ademais, o seu uso evitará aglomeracións provocadas tanto polos coches como polos problemas de aparcadoiro”.
O bo resultado dos horarios, paradas e prezo fai que se manteñan igual que o pasado ano e, segundo indica a edil nacionalista, “circulará diariamente dende xullo a agosto e a primeira quincena de setembro cun itinerario que sairá da oficina de turismo, pasando pola rúa Virxe do Camiño, a estación de autobuses, praia dos Castros-Illlas, praia de Esteiro e praia das Catedrais. Os horarios de saída dende a oficina de turismo serán ás 11:00, ás 15:15 e ás 17:45 horas, con volta dende a praia das Catedrais ás 13:30, ás 17:00 e ás 20:00 horas”.
Como o ano anterior, o billete de ida e volta custará catro euros para os adultos e a metade para os nenos. Pero para os asiduos tamén se mantén o bono a prezos reducidos, haberá un bono 10 viaxes por 20 euros.
A diferenza do bus praia, o bus turístico arrancou a súa andadura o ano pasado, pero o seu éxito fixo que, segundo conta a concelleira de Turismo, “ese percorrido histórico e medioambiental que nos leva polos arredores chegando incluso ata Rinlo, volva este verán ás rúas ribadenses con algunha pequena modificación atendendo á propia experiencia do ano pasado e permitindo así ós visitantes percorrer Ribadeo e os lugares máis próximos”.
O bus turístico, como sinala Ana Martínez, “conta cun guía e visita os lugares máis representativos e máis emblemáticos de Ribadeo, como son a baixada polo porto, o Cargadoiro, o Faro de Illa Pancha, a costa de Ribadeo cunha parada en Rinlo e, de volta, ensina as rúas máis emblemáticas da zona indiana, finalizando o percorrido no punto de partida, a oficina de turismo”.
A novidade para este 2013 radica no horario: “sairá da oficina de turismo ás 11:45 da mañá durante os fins de semana no mes de xullo e diariamente do 1 ao 18 de agosto, voltando na segunda quincena ás fins de semana, 24, 25 e 31 de agosto”. Pero non é o único cambio xa que a redución de percorrido respecto ao ano pasado provoca tamén a redución do prezo. Así, aclara a concelleira de Turismo, “a duración da ruta será dunha hora e quince minutos aproximadamente e o prezo por persoa adulta será de 6 euros e para os nenos de ata 12 anos, de tres euros”.
Ana Martínez engade que “toda esta información pode xa recollerse na oficina de turismo e que o Concello de Ribadeo, con esta iniciativa, busca pór á disposición dos visitantes os medios máis atractivos para que poidan percorrer e disfrutar da vila e da súa historia e así convertela nun permanente atractivo turístico”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
