Foz, 9 de xullo de 2013. O alcalde focense, Javier Jorge Castiñeira, referiuse hoxe “á incerteza” que están a crear Unifoz e o secretario xeral do PSOE local coas súas declaracións nos medios de comunicación sobre unha posible moción de censura no Concello. O rexedor di que o seu goberno está preocupado unicamente por atender aos veciños e aos turistas que visitan Foz este verán. Castiñeira considera que o resto son loitas internas de poder que non son positivas para a imaxe do municipio.
O rexedor municipal focense sinalou que “a única preocupación que ten o grupo de goberno do Partido Popular en Foz é atender ao verán, darlles servizos a todas as veciñas e os veciños e tamén aos turistas que temos no pobo durante esta época. Esa é a nosa única preocupación: estar pendentes das festas do Carme, atenderlles aos socorristas, ás praias, ás parroquias, etcétera. Para iso estamos no Concello, o resto son loitas internas de poder por parte dalgún”.
Javier Castiñeira subliñou que “todo isto non é positivo para o concello, que ten que dar unha imaxe completamente distinta. Eu creo que a podemos dar porque somos un concello con suficiente criterio e historia para coñecerse por outras cousas e non por este tipo de loitas políticas e de poder”.
O alcalde lembrou que “nós nestes dous anos levamos vivindo unha situación de bloqueo por parte duns para tratar de buscar algún rendemento político. Estamos acostumados, pero debemos dedicarnos a xestionar unha situación complexa economicamente e tentar dar os mellores servizos nesta época. Os hostaleiros, o comercio, os empresarios e os nosos veciños estaban agardando polo verán coma auga de maio e o que non podemos estar agora é con loitas de política interna”.
Castiñeira foi contundente: “nós ás nosas responsabilidades e si nalgún momento alguén ou algúns grupos políticos deciden ir en contra da vontade do pobo, aló eles e a súa responsabilidade”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
